تاعى ءبىر حيكايا

جاقىندا وتاندىق ەكراندى مويناق گەس-ءى جايىندا تۇسىرىلگەن وتباسىلىق جاڭا كينولەنتا تولىقتىرادى دەپ كۇتىلۋدە. «قازاقستان» رەسپۋبليكالىق تە­لەراديوكورپوراتسياسىنىڭ تاپ­­سىرىسى بويىنشا «استا­ناتە­لەفيلم» كينوستۋدياسى «جارىق» حيكاياسىن ءتۇسىرۋدى اياقتادى. فيلم كوڭىلدى وتباسىلىق ساگا بولىپ تابىلادى. قىزىق سيۋجەتتى حيكايا كەيىپكەرلەرى ءبىر-بىرىنە عاشىق بولىپ, اياق استى اجىراسادى, جاقىندارىن تاۋىپ, مارە-سارە كۇي كەشەدى. ال ەندى بىردە ءبىر-بىرىنە ىزدەۋ سالىپ جاتادى, ولاردىڭ ءتۇرلى توسقاۋىلدارمەن بەتپە-بەت كەلۋلەرىنە تۋرا كەلەدى. وقيعا جەلىسى نەگىزىنەن «جوعارى كەرنەۋ ايماعىندا» – بىرەگەي مويناق گەس-ءى اينالاسىندا ءوربيدى. «ءسىز گيدروەلەكتروستانتسيا­دا بولىپ كوردىڭىز بە؟ مىنە, كۇش قايدا جاتىر! مىنە, مىنەز قايدا!», – ءتۇسىرىلىم بارىسى تۋرالى ويلارىن رەجيسسەر باقتيار سەيىتقازيەۆ وسىلاي سيپاتتايدى. – حيكايا سيۋجەتىنە ارنالعان تاعى ءبىر كەرەمەت سىيلىق – مويناق گەس-ءى ورنالاسقان جەر: شارىن وزەنى جانە شارىن شاتقالدارى قازاقستاننىڭ ءىنجۋ-مارجاندارى بولىپ تابىلادى. بۇل ءوڭىردىڭ تاريحىنا 12 ميلليونعا جۋىق جىل بولدى ەمەس پە! وسى جەرلەردىڭ تاماشا تابيعاتى مەن شىنايى تۇسىرىلىمدەر مەنى سۋرەتشى رەتىندە قاتتى تامساندىرعانى راس». دراما جانە مەلودراما جانر­ىندا كينو تۇسىرەتىن قىر­عىز­ستاننىڭ رەجيسسەرى باقتيار سەيىت­قازيەۆ مۇندا قايدان ءجۇر دەگەن سۇراقتىڭ قويىلۋى زاڭدى. كاسىبي سالادا اجەپتاۋىر تابىسقا قول جەتكىزگەن رەجيسسەر ونەردەگى جولىن ەندى باستاپ كەلە جاتقان جاس مامان ەمەس. ونىڭ قورىندا قا­زاق­ستان كورەرمەندەرىنىڭ شەك­­سىز قى­زى­عۋشىلىعىن تۋدىرىپ ۇلگەرگەن  حي­كايالار, قىس­قا­­­مەتراجدى لەنتالار بار. سول سەبەپتى ءبىز ءۇشىن حيكايات اۆتورى سونشالىق كەزدەيسوق جان دەپ ايتا المايمىز.  «جارىق» كوركەم تەلەحيكاياسىنىڭ ازىرلەۋشىلەرى بۇل سەريال كورەرمەندەردىڭ كوڭىلىنەن شىعاتىنىنا سەنىمدى. تەلەحيكايا «قازاقستان» تەلەارناسىنىڭ ەفي­رى ارقىلى 31 تامىزدان باستاپ كورەر­مەنمەن قاۋىشپاق. ايتا كەتۋ كەرەك, ءتۇرلى ارەكەتتەردەن تۇراتىن 24 ەپيزودتىڭ كورەرمەندەردى تۇ­شىمدى وقيعالارىمەن قىزىق­تىرىپ اكەتەرىنە كۇمانىمىز جوق. سونىمەن بىرگە, «قازاقستان» رترك الداعى ماۋسىمدا اۋديتوريانى تاڭداندىراتىن مۇنان دا  باسقا كوپتەگەن حيكايالار مەن عاجاپ جوبا­لاردى ازىرلەۋ ۇستىندە. راۋان ەسقالي.