تاراز. 20 تامىز. «قازاقستان حالىقتارىنىڭ تىلدەرى كۇنى» مەرەكەسى قارساڭىندا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ جامبىل وبلىسى بويىنشا دەپارتامەنتىنىڭ ۇيىمداستىرۋىمەن وڭتۇستىك ايماقتىق دەپارتامەنتتەر اراسىندا «ءتىل مارتەبەسى – ەل مارتەبەسى» بايقاۋى وتكىزىلدى. بۇل تۋرالى egemen.kz ءتىلشىسى حابارلادى.
بايقاۋدىڭ ماقساتى – مەملەكەتتى ءتىل ساياساتىن ىسكە اسىرۋ, قازاقستاندىق ءپاتريوتيزمدى قالىپتاستىرۋ, مەملەكەتتىك تىلگە, ۇلتتىق سالت-داستۇرگە دەگەن قۇرمەتتى ارتتىرۋ, قىزمەتكەرلەردىڭ قازاق ءتىلىن ءبىلۋ جانە جۇمىس بابىندا پايدالانۋ دەڭگەيىن انىقتاۋ, مەملەكەتتىك ءتىلدى پايدالانۋدىڭ اۋقىمىن كەڭەيتۋ جانە مامانداردىڭ شىعارماشىلىق الەۋەتىن شىڭداۋ بولىپ تابىلادى.
بايقاۋعا «قىران», «جەتىسۋ جاستارى», «جالىن», «ءتىل جاناشىرلارى» جانە «ءتىلساۋىت» توپتارى قاتىستى. ولاردىڭ ارقايسىنىڭ مادەني باعدارلامالارى, ۇرانى مەن بەلگىلەرى بولدى. سايىسقا قاتىسۋشىلار پىكىر سايىستىرىپ, قىزمەتشىلەر تۋرالى ۇزدىك بەينەروليكتەر ۇسىنىپ, پاتريوتتىق اندەر شىرقاپ, ۇلتتىق سال-داستۇردەن كورىنىستەر كورسەتتى.
ناتيجەسىندە ءۇشىنشى ورىندى الماتى وبلىسىنان كەلگەن «جالىن» توبى يەلەندى. ەكىنشى ورىن جامبىل وبلىسىنىڭ اتىنان باق سىناعان «قىران» توبىنا تابىس ەتىلدى, ال الماتى قالاسىنان كەلگەن «جەتىسۋ جاستارى» ءبىرىنشى ورىنعا يە بولدى.
جەڭىمپازدارعا ماقتاۋ قاعازدارى مەن سىيلىقتار بەرىلىپ, ەرەكشە ونەر كورسەتكەن قاتىسۋشىلار العىس حاتتارمەن ماراپاتتالدى.
ورالحان ءداۋىت.
دەرەك, سۋرەت: egemen.kz.
