شىمكەنت قالاسىنا جاڭا اكىم تاعايىندالدى

استانا. 19 تامىز. شىمكەنت قالاسىنىڭ اكىمى بولىپ عابيدۋللا راحمەتوللا ۇلى ءابدىراحىموۆ تاعايىندالدى. بۇل تۋرالى «قازاقپارات» حابارلادى. عابيدۋللا ءابدىراحىموۆ وڭتۇستىك قازاقستان وبلىسى كيروۆو اۋىلىندا 1975 جىلى 23 قاڭتاردا تۋعان. 1996 جىلى قازاق مەملەكەتتىك اگرارلىق ۋنيۆەرسيتەتىن, 1999 جىلى نەمىس مەملەكەتتىك باسقارۋ جوعارى مەكتەبىن بىتىرگەن. 1996-1997 جىلدارى – قازاق مەملەكەتتىك اگرارلىق ۋنيۆەرسيتەتىنىڭ اسسيستەنتى. 1999-2000 جىلدارى – قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگىنىڭ نورماتيۆتىك-قۇىقتىق جۇمىستار دەپارتامەنتىنىڭ باس مامانى, مەملەكەتتىك قىزمەتتى قۇقىقتىق قامتاماسىز ەتۋ دەپارتامەنتىنىڭ ءبولىم باستىعى. 2000-2001 جىلدارى – قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگى توراعاسىنىڭ كەڭەسشىسى. 2001-2003 جىلدارى – قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگى توراعاسىنىڭ ورىنباسارى. 2003-2005 جىلدارى – قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگىنىڭ توراعاسى. 2005-2008 جىلدارى – قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگى توراعاسىنىڭ ءبىرىنشى ورىنباسارى. 2008 جىلدىڭ قاڭتارى مەن قازانى ارالىعىندا – قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگىنىڭ توراعاسى. 2008-2012 جىلدارى – قازاقستان رەسپۋبليكاسى پرەمەر-ءمينيسترى كەڭسەسىنىڭ باسشىسى. 2012-2013 جىلدارى – قازاقستان رەسپۋبليكاسىنىڭ باسەكەلەستىكتى قورعاۋ اگەنتتىگىنىڭ (مونوپولياعا قارسى اگەنتتىك) توراعاسى. 2013 جىلعى قاڭتاردا مەملەكەت باسشىسىنىڭ جارلىعىمەن قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى بولىپ تاعايىندالدى. قازاق, ورىس جانە اعىلشىن تىلدەرىن مەڭگەرگەن. «قۇرمەت» وردەنىمەن ماراپاتتالعان (2006), 3 مەدالى بار. تالعات رايىمبەك. دەرەك, سۋرەت: «قازاقپارات».