الماتىدا قالا اكىمىنىڭ ورىنباسارى تاعايىندالدى

الماتى. 19 تامىز. قالا əكىمى باۋىرجان بايبەكتىڭ بۇيرىعىمەن ەرلان Əۋكەنوۆ الماتى قالاسى əكىمىنىڭ ورىنباسارى قىزمەتىنە تاعايىندالدى. ەندى ول جاڭا جۇمىس ورنىندا يندۋستريالدى-يننوۆاتسيالىق دامۋ, ساۋدا, شوب, تۋريزم, تابيعاتتى پايدالانۋ مəسەلەلەرىمەن اينالىساتىن بولادى. بۇل تۋرالى egemen.kz حابارلادى. ەستەرىڭىزگە سالا كەتەيىك, بۇعان دەيىن الماتى قالاسى اكىمىنىڭ ورىنباسارى لاۋازىمىندا بولعان ەربول شورمانوۆ باسقا جۇمىسقا اۋىسۋىنا بايلانىستى بۇل قىزمەتتەن كەتتى. ەرلان مۇرات ۇلى اۋكەنوۆ – الماتى قالاسىندا تۋعان. ءال-فارابي اتىنداعى قازاق ۇلتتىق ۋنيۆەرسيتەتىنىڭ ەكونوميكا فاكۋلتەتىن «مەملەكەتتىك جانە جەرگىلىكتى باسقارۋ» ماماندىعى بويىنشا تامامداعان. «بولاشاق» باعدارلاماسى بويىنشا برەدفورد ( ۇلىبريتانيا) ۋنيۆەرسيتەتىن «مەملەكەتتىك ساياسات» ماماندىعى بويىنشا, حالىقارالىق بيزنەس اكادەمياسىن «كورپوراتيۆتى مەنەدجمەنت» ماماندىعى بويىنشا بىتىرگەن. 2002 جىلدان 2007 جىلعا دەيىن بيزنەس قۇرىلىمدار مەن ۇكىمەتتىك ەمەس ۇيىمداردا جۇمىس ىستەگەن. 2007 جىلدان 2008 جىلعا دەيىن «سامعاۋ» ۇلتتىق عىلىمي-تەحنيكالىق حولدينگتىڭ اكتيۆتەرىن باسقارۋ جونىندەگى دەپارتامەنت ديرەكتورىنىڭ ورىنباسارى, 2008 جىلدان 2010 دەيىن ءبىلىم جانە عىلىم مينيسترلىگىنىڭ كومەكشىسى, كەيىن ءبىلىم جانە عىلىم مينيسترلىگى دەپارتامەنتىنىڭ ديرەكتورى قىزمەتتەرىن اتقارعان. 2010 جىلدان 2011 جىلعا دەيىن شىعىس قازاقستان وبلىسى اكىمى اپپاراتىندا باسشى قىزمەتتەردە بولعان. 2011 جىلدان 2014 جىلدىڭ ساۋىرىنە دەيىن پرەزيدەنت اكىمشىلىگىندە مەملەكەتتىك ينسپەكتور لاۋازىمىندا (قاراعاندى وبلىسى مەن يندۋستريا جانە جاڭا تەحنولوگيالار مينيسترلىگىنە جەتەكشىلىك جاساعان) ەڭبەك ەتكەن. 2014 جىلدىڭ ساۋىرىنەن سولتۇستىك قازاقستان وبلىسى اكىمىنىڭ كاسىپكەرلىكتى دامىتۋ, ونەركاسىپ, سىرتقى ەكونوميكالىق بايلانىس جانە تۋريزم ماسەلەلەرى بويىنشا ورىنباسارى قىزمەتىن اتقاردى. تالعات ءسۇيىنباي. دەرەك, سۋرەت: egemen.kz.