كوكشەتاۋ مەديا ورتالىعىندا رەسپۋبليكالىق «باس رەداكتورلار» كلۋبى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ, اقمولا وبلىسى اكىمدىگىنىڭ قولداۋىمەن «بۇگىنگى كۇن – بۇقارالىق اقپارات قۇرالدارى» تاقىرىبىندا سەمينار وتكىزدى. وعان وڭىردەگى رەسپۋبليكالىق باق وكىلدەرى, وبلىستىق جانە اۋداندىق اقپارات قۇرالدارىنىڭ باسشىلارى قاتىستى.
باسقوسۋدا رەسپۋبليكالىق «باس رەداكتورلار» كلۋبىنىڭ پرەزيدەنتى بيبىگۇل جەكسەنباي ەلباسى نۇرسۇلتان نازارباەۆتىڭ «نۇرلى جول – بولاشاققا باستار جول» اتتى حالقىمىزعا جولداۋىنان جانە «100 ناقتى قادام» ۇلت جوسپارىنان تۋىندايتىن مىندەتتەر جانە بۇگىنگى كۇنگى باق-تى دامىتۋدىڭ وزەكتى ماسەلەلەرى» تاقىرىبىندا بايانداما جاسادى. وندا قازاقستان پرەزيدەنتىنىڭ بەس ينستيتۋتتىق رەفورماسىن وتانداستارىمىز بەن شەتەلدىك قاۋىم قىزۋ تالقىلاپ, قولداۋ كورسەتىپ جاتقانى, بۇل ورايدا بۇقارالىق اقپارات قۇرالدارىنا ماڭىزدى مىندەتتەر جۇكتەلەتىنى اتاپ كورسەتىلدى. قابىلدانىپ جاتقان مەملەكەتتىك جانە ۇلتتىق باعدارلامالاردى حالىق ساناسىنا جەتكىزىپ قانا قويماي, ولاردىڭ ورىندالۋىنا بۇقارالىق ىقپالدى ارتتىرۋ ەل دامۋىنا ەرەكشە ەكپىن بەرەتىنى ايقىن. وسىعان وراي, شەشەن مالايزيانىڭ سوڭعى جيىرما جىلداعى سەرپىندى دامۋىن وزگە مەملەكەتتەرمەن سالىستىرا تالداپ كورسەتتى. بۇل تاۋەلسىز قازاقستاننىڭ جىگەرلى قادامدارىمەن ۇقساس ەكەندىگى دە ايتىلدى. الەمدىك ساراپشىلار وسى ءۇردىستى حالىقتىڭ اقپاراتقا قولجەتىمدىلىگىمەن بايلانىستىرۋى تەگىن ەمەس. ءومىر جانە عالامدىق كەڭىستىكتەگى بولمىس جىلدام وزگەرۋدە. ءححى عاسىر اقپارات الەۋەتىنە سۇيەنگەن عاسىر. سوندىقتان, وتاندىق جۋرناليستيكا باسەكەلەستىك الاڭىندا الدىڭعى ساپتان كورىنۋى ءتيىس. بەلسەندىلىك باستاۋىندا كاسىبي شەبەرلىك تۇراتىنى بەلگىلى.
رەسپۋبليكالىق «نوۆوە پوكولەنيە» گازەتى باس رەداكتورىنىڭ ورىنباسارى يۋليانا ءجيحوردىڭ «بۇگىنگى كۇننىڭ ءداستۇرلى باق-تارى» بايانداماسىندا گازەتتەر مەن جۋرنالداردىڭ قازىرگى كۇنگى باعىتتارى كەڭىنەن سيپاتتالدى. اقپاراتقا دەگەن سۇرانىس ەلەكتروندىق ونىمدەردىڭ وتىمدىلىگىن كورسەتۋدە. بۇل ورايدا باسەكەلەستىك ءبىرىنشى ورىنعا شىعادى. قازىرگى كەزدە بارلىق گازەتتەر دەرلىك وقىرماندارىنا ءوزىنىڭ ەلەكتروندىق نۇسقاسىن ۇسىنۋدا. بۇل ورايدا دا حالىقتىڭ تالدامالىق ءارى ساۋاتتى اقپاراتتى كۇتەتىنى انىق. قازىر ەكىنشى تولقىنى ءجۇرىپ جاتقان جەكەشەلەندىرۋ ناۋقانى ءداستۇرلى باق-تاردىڭ قوعام تىنىسىنداعى مازمۇنىن وزگەرتە المايتىنى دا بەلگىلى.
سەمينارعا قاتىسۋشىلار تۇرىك ەلىنىڭ «جيحان» اقپاراتتىق اگەنتتىگىنىڭ وكىلى يىلدىز دوگاننىڭ «قازاقستاندىق باق-تىڭ شەتەلدىك مەنشىكتى تىلشىلەرى قوسىنىمەن ىنتىماقتاستى-
عىنىڭ ايماقتىق تاجىريبەسى» تاقىرىبىنداعى بايانداماسىنا جۋرناليستەر ايرىقشا قىزىعۋشىلىق تانىتتى. ءبىرىنشىدەن, بايانداما مازمۇندىلىعىمەن تارتىمدى بولسا, ەكىنشىدەن, يىلدىز باۋىرىمىزدىڭ تازا قازاق تىلىندە سويلەۋى بۇگىنگى كۇننىڭ جۋرناليستەرىنە وي سالعانى انىق. الەمدىك اقپاراتتىق كەڭىستىكتىڭ العاشقى وندىعىندا تۇرعان «جيحان» جەر ءجۇزىنىڭ 85 ەلىنە ءتورت تىلدە اقپارات تاراتىپ, 35 ەلدە وكىلدىگىن ۇستايدى. سونىمەن قاتار, اگەنتتىك جۋرنال شىعارىپ, راديو, تەلەحابارلاردى تاراتىپ وتىر. مۇنىڭ ءوزى زاماناۋي باق تەك اقپاراتتىق ىقپالمەن شەكتەلىپ قالماۋى كەرەكتىگىن بىلدىرەدى.
يىلدىز دوگان اعىلشىن ءتىلىنىڭ مامانى. الايدا, قازاقستاندا جۋرناليستىك قىزمەت اتقارعانىنا جيىرما جىلدان اسىپ بارادى. «بۇل كاسىپ مەنى جازۋعا, سۋرەتكە تۇسىرۋگە, بەينەاپپاراتتى مەڭگەرۋگە, بىرنەشە تىلدە سويلەۋگە ءۇيرەتتى», دەيدى ول.
«حابار» اگەنتتىگى اق «ءبىلىم جانە مادەنيەت» ارناسى باس رەداكتورىنىڭ ورىنباسارى باۋىرجان شامشاتوۆ «قازىرگى زامانعى تەلەۆيزيالىق جۋرناليستيكانىڭ وزەكتى ماسەلەلەرى» تۋرالى وي قوزعادى.
باقبەرگەن امالبەك,
«ەگەمەن قازاقستان».
كوكشەتاۋ.
كوكشەتاۋ مەديا ورتالىعىندا رەسپۋبليكالىق «باس رەداكتورلار» كلۋبى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ, اقمولا وبلىسى اكىمدىگىنىڭ قولداۋىمەن «بۇگىنگى كۇن – بۇقارالىق اقپارات قۇرالدارى» تاقىرىبىندا سەمينار وتكىزدى. وعان وڭىردەگى رەسپۋبليكالىق باق وكىلدەرى, وبلىستىق جانە اۋداندىق اقپارات قۇرالدارىنىڭ باسشىلارى قاتىستى.
باسقوسۋدا رەسپۋبليكالىق «باس رەداكتورلار» كلۋبىنىڭ پرەزيدەنتى بيبىگۇل جەكسەنباي ەلباسى نۇرسۇلتان نازارباەۆتىڭ «نۇرلى جول – بولاشاققا باستار جول» اتتى حالقىمىزعا جولداۋىنان جانە «100 ناقتى قادام» ۇلت جوسپارىنان تۋىندايتىن مىندەتتەر جانە بۇگىنگى كۇنگى باق-تى دامىتۋدىڭ وزەكتى ماسەلەلەرى» تاقىرىبىندا بايانداما جاسادى. وندا قازاقستان پرەزيدەنتىنىڭ بەس ينستيتۋتتىق رەفورماسىن وتانداستارىمىز بەن شەتەلدىك قاۋىم قىزۋ تالقىلاپ, قولداۋ كورسەتىپ جاتقانى, بۇل ورايدا بۇقارالىق اقپارات قۇرالدارىنا ماڭىزدى مىندەتتەر جۇكتەلەتىنى اتاپ كورسەتىلدى. قابىلدانىپ جاتقان مەملەكەتتىك جانە ۇلتتىق باعدارلامالاردى حالىق ساناسىنا جەتكىزىپ قانا قويماي, ولاردىڭ ورىندالۋىنا بۇقارالىق ىقپالدى ارتتىرۋ ەل دامۋىنا ەرەكشە ەكپىن بەرەتىنى ايقىن. وسىعان وراي, شەشەن مالايزيانىڭ سوڭعى جيىرما جىلداعى سەرپىندى دامۋىن وزگە مەملەكەتتەرمەن سالىستىرا تالداپ كورسەتتى. بۇل تاۋەلسىز قازاقستاننىڭ جىگەرلى قادامدارىمەن ۇقساس ەكەندىگى دە ايتىلدى. الەمدىك ساراپشىلار وسى ءۇردىستى حالىقتىڭ اقپاراتقا قولجەتىمدىلىگىمەن بايلانىستىرۋى تەگىن ەمەس. ءومىر جانە عالامدىق كەڭىستىكتەگى بولمىس جىلدام وزگەرۋدە. ءححى عاسىر اقپارات الەۋەتىنە سۇيەنگەن عاسىر. سوندىقتان, وتاندىق جۋرناليستيكا باسەكەلەستىك الاڭىندا الدىڭعى ساپتان كورىنۋى ءتيىس. بەلسەندىلىك باستاۋىندا كاسىبي شەبەرلىك تۇراتىنى بەلگىلى.
رەسپۋبليكالىق «نوۆوە پوكولەنيە» گازەتى باس رەداكتورىنىڭ ورىنباسارى يۋليانا ءجيحوردىڭ «بۇگىنگى كۇننىڭ ءداستۇرلى باق-تارى» بايانداماسىندا گازەتتەر مەن جۋرنالداردىڭ قازىرگى كۇنگى باعىتتارى كەڭىنەن سيپاتتالدى. اقپاراتقا دەگەن سۇرانىس ەلەكتروندىق ونىمدەردىڭ وتىمدىلىگىن كورسەتۋدە. بۇل ورايدا باسەكەلەستىك ءبىرىنشى ورىنعا شىعادى. قازىرگى كەزدە بارلىق گازەتتەر دەرلىك وقىرماندارىنا ءوزىنىڭ ەلەكتروندىق نۇسقاسىن ۇسىنۋدا. بۇل ورايدا دا حالىقتىڭ تالدامالىق ءارى ساۋاتتى اقپاراتتى كۇتەتىنى انىق. قازىر ەكىنشى تولقىنى ءجۇرىپ جاتقان جەكەشەلەندىرۋ ناۋقانى ءداستۇرلى باق-تاردىڭ قوعام تىنىسىنداعى مازمۇنىن وزگەرتە المايتىنى دا بەلگىلى.
سەمينارعا قاتىسۋشىلار تۇرىك ەلىنىڭ «جيحان» اقپاراتتىق اگەنتتىگىنىڭ وكىلى يىلدىز دوگاننىڭ «قازاقستاندىق باق-تىڭ شەتەلدىك مەنشىكتى تىلشىلەرى قوسىنىمەن ىنتىماقتاستى-
عىنىڭ ايماقتىق تاجىريبەسى» تاقىرىبىنداعى بايانداماسىنا جۋرناليستەر ايرىقشا قىزىعۋشىلىق تانىتتى. ءبىرىنشىدەن, بايانداما مازمۇندىلىعىمەن تارتىمدى بولسا, ەكىنشىدەن, يىلدىز باۋىرىمىزدىڭ تازا قازاق تىلىندە سويلەۋى بۇگىنگى كۇننىڭ جۋرناليستەرىنە وي سالعانى انىق. الەمدىك اقپاراتتىق كەڭىستىكتىڭ العاشقى وندىعىندا تۇرعان «جيحان» جەر ءجۇزىنىڭ 85 ەلىنە ءتورت تىلدە اقپارات تاراتىپ, 35 ەلدە وكىلدىگىن ۇستايدى. سونىمەن قاتار, اگەنتتىك جۋرنال شىعارىپ, راديو, تەلەحابارلاردى تاراتىپ وتىر. مۇنىڭ ءوزى زاماناۋي باق تەك اقپاراتتىق ىقپالمەن شەكتەلىپ قالماۋى كەرەكتىگىن بىلدىرەدى.
يىلدىز دوگان اعىلشىن ءتىلىنىڭ مامانى. الايدا, قازاقستاندا جۋرناليستىك قىزمەت اتقارعانىنا جيىرما جىلدان اسىپ بارادى. «بۇل كاسىپ مەنى جازۋعا, سۋرەتكە تۇسىرۋگە, بەينەاپپاراتتى مەڭگەرۋگە, بىرنەشە تىلدە سويلەۋگە ءۇيرەتتى», دەيدى ول.
«حابار» اگەنتتىگى اق «ءبىلىم جانە مادەنيەت» ارناسى باس رەداكتورىنىڭ ورىنباسارى باۋىرجان شامشاتوۆ «قازىرگى زامانعى تەلەۆيزيالىق جۋرناليستيكانىڭ وزەكتى ماسەلەلەرى» تۋرالى وي قوزعادى.
باقبەرگەن امالبەك,
«ەگەمەن قازاقستان».
كوكشەتاۋ.
سوڭعى جاڭالىقتار
پەداگوگتەردى اتتەستاتسيالاۋ جۇيەسى جاڭارتىلادى
ءبىلىم • كەشە
اتىراۋ وبلىسىندا جەر ۋچاسكەلەرى مەملەكەتكە قايتارىلدى
ايماقتار • كەشە
اتوم ەنەرگەتيكاسى سالاسى: ۇزاق مەرزىمدى باعدار ايقىندالدى
ەنەرگەتيكا • كەشە
جاپونيادا 7,7 بالدىق جەر سىلكىنىسى تىركەلدى
تابيعات • كەشە
