پرەزيدەنت جوعارعى سوت توراعاسىن قابىلدادى

استانا. 18 تامىز. ەلباسى جوعارعى سوت توراعاسى قايرات ءماميدى قابىلدادى. كەزدەسۋدە سوت جۇيەسىن «100 ناقتى قادام – بارشاعا ارنالعان زاماناۋي مەملەكەت» ۇلت جوسپارى اياسىندا رەفورمالاۋ شارالارى جانە رەسپۋبليكا سوتتارىنىڭ 2015 جىلدىڭ ءبىرىنشى جارتىسىنداعى جۇمىس قورىتىندىلارى تالقىلاندى. بۇل تۋرالى akorda.kz حابارلادى. قازاقستان پرەزيدەنتى وسى سالاداعى جاڭا كودەكستەردىڭ قولدانىلا باستاۋىن جانە باس بوستاندىعىنان ايىرۋدى مەملەكەتكە كەلگەن زياننىڭ ورنىن تولتىرۋمەن الماستىراتىن قاماۋعا الۋعا بالاما شارالار مەن جازالاردى مەيلىنشە كەڭىنەن قولدانۋدى قوسا قامتيتىن رەفورمالاردىڭ وڭ ىقپالىن اتاپ ءوتتى. مەملەكەت باسشىسى بارلىق قۇقىق بۇزۋشىلىقتاردى تىركەۋ اۋىر قىلمىستاردىڭ سانىن ازايتۋعا سەپتىگىن تيگىزگەنىنە نازار اۋداردى. جوعارعى سوت توراعاسى رەسپۋبليكادا سوت تورەلىگىن جۇزەگە اسىرۋدىڭ وتكەن جارتىجىلدىقتاعى قورىتىندىلارى ساپا كورسەتكىشىنىڭ تۇراقتىلىعى مەن ءىستى قاراۋ مەرزىمىنىڭ ساقتالىپ وتىرعانىن كورسەتەتىنىن ايتتى. رەسپۋبليكادا شىعارىلعان بارلىق سوت اكتىلەرىنىڭ 98,6 پايىزى زاڭدى ءارى نەگىزدى دەپ تانىلعان. ەلدە سوتتالعانداردىڭ سانى ايتارلىقتاي قىسقارىپ, ال جاسالعان ەكونوميكالىق قىلمىستار ءۇشىن مەملەكەتكە قايتارىلعان قاراجاتتىڭ جالپى كولەمى بيىل شامامەن 950 ميلليون تەڭگەنى قۇراعان. ق.ءمامي جوعارعى سوت رەفورمانى جۇزەگە اسىرۋ, سونىڭ ىشىندە ءۇش بۋىندى سوت جۇيەسىنە كوشۋ تۇرعىسىنان رەت-رەتىمەن جۇرگىزىلەتىن شارالاردى اتقارعانىن ايتتى. سونىمەن قاتار, سۋديالىققا كانديداتتارعا ارنالعان جاڭا بىلىكتىلىك تالاپتارىن ەنگىزۋ, جوعارعى سوتتا ينۆەستيتسيا جونىندەگى مامانداندىرىلعان القا قۇرۋ جانە حالىقارالىق كونسۋلتاتيۆتىك كەڭەس قۇرۋ ماسەلەلەرى دە قاراستىرىلعان. مەملەكەت باسشىسى كەزدەسۋ قورىتىندىسى بويىنشا بىرقاتار ناقتى تاپسىرما بەردى. ايدار ورىسباەۆ. دەرەك, سۋرەت: akorda.kz.