ءتارتىپ – تۇراقتىلىق تىرەگى

مەملەكەت باسشىسىنىڭ بيىلعى جولداۋىندا قۇقىق قورعاۋ جۇيەسىن رەفورمالاۋ بويىنشا بايىپتى جۇمىس جۇرگىزۋ قاجەتتىگى مىندەتتەلىپ, سالاداعى ءالى دە شەشىمىن تابۋى قاجەت ماسەلەلەر ايقىندالعانى بەلگىلى. وسى مىندەتتەردى جۇزەگە اسىرۋدا سالادا ايتارلىقتاي جۇمىس اتقارىلعانى انىق. وسى ورايدا وبلىستىق ىشكى ىستەر دەپارتامەنتىنىڭ جۇمىسى ارنايى القا ماجىلىسىندە قارالىپ, كەمشىلىكتەردىڭ الدىن الۋ باعىتىنداعى جۇمىس جۇيەلەندى. وتكەن مەرزىمدە وڭىردەگى قىلمىستىق احۋال قاناعات­تا­نار­لىقتاي ەمەس. كەرىسىنشە, قىلمىس سانى ارتىپ, ونى اشۋ كورسەت­كىشتەرى تومەندەگەن. قاراق­شى­لىق پەن بۇزاقىلىق, پاتەر مەن مال ۇرلىعى, جاسوسپىرىمدەر ارا­سىنداعى زاڭ بۇزۋشىلىق پەن ەسىرتكى زاتتاردىڭ زاڭسىز اي­نا­لى­مى الاڭداتارلىق دارەجەدە بولىپ وتىر. دەگەنمەن, ءتارتىپ ساقشىلارىنىڭ كۇندەلىكتى جۇمىسىن جوققا شىعارۋعا بول­مايدى. ويتكەنى, قىلمىسقا قار­سى كۇرەس ءتارتىپ ساقشىلارىنىڭ عانا مىندەتى ەمەس, وعان مەم­لە­كەتتىك ورگاندار مەن قوعامدىق ۇيىمدار, ارداگەرلەر مەن اتا-انا كەڭەستەرى جۇمىلا كۇش بىرىك­تىر­گەندە عانا قوعامدى ساۋىقتىرىپ, ونىڭ ناتيجەلى بولاتىندىعىن ۋاقىتتىڭ ءوزى دالەلدەپ وتىر. ماجىلىستە وڭىردە قالىپتاس­قان قىلمىستىق احۋالعا وبلىس اكىمى سەرىك ۇمبەتوۆ ەرەكشە توق­تالىپ, قىلمىستىڭ الدىن الۋ مەن اشۋعا نازار اۋدارۋ قاجەت­تىگىن قاتاڭ تاپسىردى. حالىق اراسىندا قۇقىقتىق تۇسىنىك ءجۇر­گىزۋ شارالارىن تۇبەگەيلى قايتا قۇرۋ قاجەتتىگىن وتكەن ءتورت ايدا جالپى قىلمىستىڭ ەداۋىر ارت­قا­نىمەن بايلانىستىردى. سالاعا كورسەتىلگەن قولداۋ ناتيجەلى. الايدا, كادرلارمەن جۇمىس, قا­تاڭ تالاپ جەتىسپەي جاتقانى دا سىن­عا الىندى. حالىقپەن, قو­عام­دىق ۇيىمدارمەن تىعىز قا­رىم-قاتىناس ورنىققاندا ول وڭ ناتيجە بەرىپ, ءۇمىت اقتالادى, دەدى. وبلىستىق ىشكى ىستەر دە­پار­تا­مەنتىنىڭ باستىعى, پوليتسيا گەنەرال-مايورى جايلاۋبەك كەمباەۆ جالپى قىلمىس سانى تومەندەگەنىمەن, ءالى دە كەمشى­لىك­تەر­دىڭ ورىن العاندىعىن جاسىر­مادى. الايدا, اعىمداعى جىلى ۇيىمداسقان ءۇش قىلمىستىق توپ قۇرىقتالىپتى. ولاردىڭ ارا­سىن­دا تالعار جانە قاراساي اۋدان­دارىنىڭ تۇرعىندارىن ابىگەرگە سالىپ 15 قىلمىس جاسا­عان ناقىسبەكوۆتىڭ 6 ادامنان قۇرالعان قىلمىستىق توبى بار. تالدىقورعان جانە تەكەلى قالالارى مەن ەسكەلدى اۋدانىندا ەسىرتكى زاتتارىن ساتۋدى تابىس كوزىنە اينالدىرعان 6 ادامنان تۇراتىن قىلمىستىق توپ مۇشە­لەرى دە زاڭ الدىندا جاۋاپ بەرىپ, ۇزاق مەرزىمگە باس بوستاندىق­تارىنان ايرىلىپتى. جالپى وڭىردەگى قىلمىستىق احۋالدى تۇراقتاندىرۋعا سالاعا بيلىك تاراپىنان مۇمكىندىگىنشە جاعداي جاسالىپ, قارجى ءبولىنىپ كەلەدى. تالدىقورعان قالاسىندا جەدەل باسقارۋ ورتالىعى ىسكە قوسىلسا, حالىق پەن اۆتوكولىك كوپ جۇرەتىن تۇستارعا 16 باقىلاۋ بەينەكامەراسى قويىلعانى وسى­نىڭ دالەلى. تاعى دا 10 بەينە­كا­مە­را ورناتۋ قولعا الىنعان. قاراساي جانە ىلە اۋداندارىنىڭ ورتالىقتارىنا وسىنداي باقىلاۋ كامەرالارىن ورناتۋ جوسپار­لان­سا, تەلىمدىك ينسپەكتورلاردى باس­پانامەن, اۆتوكولىكپەن قامتاما­سىز ەتۋ تولىعىمەن شەشىمىن تاپ­قانىن ايتۋعا بولادى. الاڭدا­تار­لىعى وڭىردە ماسكۇنەمدىككە سالىنعان 13 مىڭ ادام ەسەپكە الىنعان. القا ماجىلىسىندە وبلىستىڭ وڭتۇستىك ايماعىندا وسى دەرتتەن ماجبۇرلەپ ەمدەيتىن ارنايى ورىن اشۋ قاجەتتىگى دە ايتىلدى. الماتى وبلىسىنىڭ پرو­كۋ­رو­رى ەرلىك كەنەنباەۆ تا قام­تىلماعان ءبىراز ماسەلەنى جينال­عاندار نازارىنا ۇسىندى. وڭىردە وتكەن جىلدارى جۇرگىزىلگەن قىل­مىسقا قارسى كۇرەس باعدارلاماسى ناتيجە بەرگەنىمەن, جالپى قىلمىس سانى كۇرت وسۋگە باعىت العانىن ايتتى. اعىمداعى جىلى وزگە دەرەكتەردى قوسپاعاندا جال­پى قىلمىستىڭ 27 پايىزعا ارتۋى مەن جازالاۋ ورىندارىنان شىق­قاندار جاساعان قىلمىستاردىڭ ءۇش ەسەگە كوبەيۋى ءتارتىپ ساقشى­لارى­نىڭ اسەرلى ساۋىقتىرۋ مەن الدىن الۋ شارالارىن تالاپ تۇرعىسىندا جۇرگىزبەيتىندىگىنىڭ دالەلى. سونىمەن قاتار, ساباققا بارمايتىن بالالار سانى دا 153-كە جەتىپتى. وبلىس پروكۋرورى پوليتسيا قىزمەتكەرلەرىنىڭ ساپا ەمەس, سان قۋالاۋعا سالىنعانىن دا سىنعا الدى. كۇمىسجان بايجان, الماتى وبلىسى.