«بۇگىندە قازاقستان دامۋدىڭ تاريحي كەزەڭىندە تۇر. مەملەكەت باسشىسىنىڭ باستاماسىمەن كەڭ اۋقىمدى اشىق تالقىلاۋ قورىتىندىسى بويىنشا ساراپشىلاردىڭ جانە عىلىمي قاۋىمداستىقتىڭ, قوعامنىڭ بارلىق سالا وكىلدەرىنىڭ پىكىرى ەسكەرىلگەن ەلىمىزدىڭ تۇبەگەيلى جاڭا كونستيتۋتسياسىنىڭ جوباسى ازىرلەندى. جاڭا اتا زاڭىمىزدىڭ باستى ەرەكشەلىگى – ونىڭ ءورشىل رۋح پەن كەمەل كەلەشەككە دەگەن ۇمتىلىسىندا. قۇجات حالىقتىڭ ارمان-مۇراتىمەن ۇندەسىپ جاتىر», دەدى ۇكىمەت باسشىسى.
ماقالادا جاڭا كونستيتۋتسيا مازمۇنى ەلدىڭ ۇزاقمەرزىمدى دامۋ ماقساتتارىمەن ساباقتاس ەكەنى اتاپ كورسەتىلگەن. قۇجاتتا مەملەكەتتىڭ ەڭ جوعارى لاۋازىمدى تۇلعاسى – قاسىم-جومارت توقاەۆ ايقىنداعان ستراتەگيالىق باعدارلار كورىنىس تاپقانى ايتىلعان. تۇراقتى دامۋ نەگىزدەرىن قالىپتاستىرۋ, بىرنەشە بۋىننىڭ قاۋىپسىز ءومىرىن قامتاماسىز ەتۋ باسىم باعىت رەتىندە بەلگىلەنگەن.
پرەزيدەنت – جاڭا كونستيتۋتسيانىڭ نەگىزگى اۆتورى
«وندا مەملەكەتتىڭ ەڭ جوعارى لاۋازىمدى تۇلعاسى – پرەزيدەنت قاسىم-جومارت توقاەۆتىڭ قازاقستان رەسپۋبليكاسى ۇزاقمەرزىمدى تۇراقتى دامۋىنىڭ بەرىك نەگىزىن قالاپ, بىرنەشە بۋىن ۇرپاقتىڭ اماندىعى مەن قاۋىپسىز ءومىرىن قامتاماسىز ەتۋدەگى ەرىك-جىگەرى ايقىن كورىنىس تاپقان. مەن ەلىمىزدىڭ ازاماتتارى دۇرىس تاڭداۋ جاساپ, مەملەكەت باسشىسىنىڭ باستاماسىن قولداپ, قۋاتتى, ادىلەتتى, وركەندەگەن قازاقستاندى قۇرۋعا ءوز ۇلەسىن قوساتىنىنا سەنىمدىمىن», دەدى ولجاس بەكتەنوۆ.
وسىلايشا, جاڭا كونستيتۋتسيا جوباسى ەلدىڭ ستراتەگيالىق دامۋىنا قاتىستى نەگىزگى قاعيداتتاردى جۇيەلەۋگە باعىتتالعان قۇجات رەتىندە ۇسىنىلدى.
