بۇگىندە ERG-ءدىڭ اليۋميني ديۆيزيونىندا شامامەن سەگىز مىڭعا جۋىق قىزمەتكەر ەڭبەك ەتىپ ءجۇر. مەتاللۋرگتەر جاڭا كونستيتۋتسيا جوباسىندا ءوندىرىس سالاسى ءۇشىن قولدانبالى ماڭىزى بار قاعيداتتار كورىنىس تاپقانىن اتاپ ءوتتى. اتاپ ايتقاندا, ەڭبەك ەتۋ قۇقىعى, قاۋىپسىز ەڭبەك جاعدايى جانە الەۋمەتتىك قورعاۋ ماسەلەلەرى قامتىلعان.
ەۋرازيالىقتاردىڭ پىكىرىنشە, ەڭبەك ادامى ەكونوميكانىڭ قوسالقى بولىگى رەتىندە ەمەس, مەملەكەتتىڭ ورنىقتى دامۋىنىڭ نەگىزى دەپ قاراستىرىلادى. مۇنداي نورمالاردىڭ كونستيتۋتسيالىق دەڭگەيدە بەكىتىلۋى قىزمەتكەرلەردىڭ ەرتەڭگى كۇنگە دەگەن سەنىمىن ارتتىرىپ, ولاردىڭ كاسىبي ۇلەسىنىڭ ماڭىزىن ايقىنداي تۇسەدى.
كاسىپورىن قىزمەتكەرلەرى ەلدىڭ ۇزاق مەرزىمدى دامۋ باعىتىنىڭ تۇراقتىلىعى مەن ايقىندىعى ونەركاسىپ ءۇشىن شەشۋشى مانگە يە ەكەنىن اتاپ ءوتتى. ءدال وسىنداي ورتادا كاسىپورىندار دامىپ, جاڭعىرىپ, جاڭا جۇمىس ورىندارى اشىلادى.
مەتاللۋرگتەر الداعى رەفەرەندۋمعا ازاماتتاردىڭ قاتىسۋىنىڭ ماڭىزىن دا ەرەكشە اتاپ ءوتتى. ولار ءار ادامنىڭ پىكىرى ماڭىزدى ەكەنىنە ەكپىن ءتۇسىردى. ويتكەنى, ەل دامۋىنىڭ نەگىزگى قاعيداتتارى وسىعان تىكەلەي بايلانىستى بولىپ تۇر.
«جاڭا كونستيتۋتسيا ەڭبەك ادامىنىڭ مۇددەسى, قاۋىپسىزدىك, ءوندىرىستى دامىتۋ مەن ەكونوميكالىق تۇراقتىلىق ءوزارا تىعىز بايلانىستى ءبىرتۇتاس جۇيە رەتىندە قاراستىراتىن زاماناۋي ءارى ورنىقتى مودەلدى قالىپتاستىرادى. بۇل – ءومىر ساپاسىنا, ينۆەستيتسيا تارتۋعا جانە ەلدىڭ ۇزاق مەرزىمدى باسەكەگە قابىلەتتىلىگىنە تىكەلەي اسەر ەتەتىن بەرىك نەگىز», دەدى «قازاقستان ءاليۋمينيى» اق پاۆلودار اليۋميني زاۋىتىنىڭ ديرەكتورى ايتۋعان احمەتوۆ.
مەتاللۋرگتەر قازاقستاندىقتاردى رەفەرەندۋمعا قاتىسىپ, ءوز ۇستانىمدارىن بىلدىرۋگە شاقىردى.
ءبىز بۇگىن قابىلدايتىن شەشىمدەر, ەرتەڭگى بولاشاعىمىزدى قالىپتاسادى.
