بوستون وقيعاسى: تسارناەۆ پەن قادىرباەۆتىڭ ديالوگى جاريالاندى

استانا. 26 ناۋرىز. اقش-تىڭ بوستون قالاسىندا بولعان لاڭكەستىك وقيعاعا قاتىستى سوت وتىرىسىندا باستى كۇدىكتى دجوحار تسارناەۆ پەن ونىڭ كوللەدجدە بىرگە وقىعان دوسى, قازاقستان ازاماتى دياس قادىرباەۆتىڭ تەلەفون حابارلاماسى ارقىلى سويلەسكەن اڭگىمەسى جاريالاندى. بۇل تۋرالى zakon.kz حابارلادى. اڭگىمە جەلىسى تومەندەگىدەي وربىگەن: قادىرباەۆ: سەن جاڭالىقتاردى كوردىڭ بە؟ تسارناەۆ: ءيا, باۋىرىم, كوردىم. قادىرباەۆ: بۇل راس پا؟ تسارناەۆ: مەن جاڭالىقتاردى كوردىم... ەندى ماعان جازبا, مەنىڭ دوسىم لول. قادىرباەۆ: سەن ول جەردەن ءوزىڭدى كوردىڭ بە؟ تسارناەۆ: ەگەر قالاساڭ, مەنىڭ بولمەمە كىرىپ, ول جەردەن كەز كەلگەن نارسەنى الۋىڭا بولادى. سالام الەيكۋم )). پروكۋروردىڭ ايتۋىنشا, حابارلاما تسارناەۆتىڭ تەلەفونىنان لاڭكەستىكتەن كەيىن ءۇش كۇن وتكەن سوڭ جىبەرىلگەن. ەستەرىڭىزگە سالا كەتەيىك, 2013 جىلدىڭ 15 ساۋىرىندە ءداستۇرلى بوستون مارافونى كەزىندە جارىلىس بولىپ, 3 ادام قازا تاپتى. سونداي-اق, تاعى 264 ادام جاراقات الدى. اقش-تىڭ ارنايى قىزمەتى باستى كۇدىكتى رەتىندە اعايىندى تامەرلان جانە دجوحار تسارناەۆتاردى اتادى. كۇدىكتىلەردى قۇرىقتاۋ كەزىندە قارسىلىق تانىتقان تامەرلان مەرت بولدى. دجوحار بۇگىندە قاماۋدا وتىر. ال قازاقستان ازاماتى دياس قادىرباەۆقا ايعاق زاتتاردى جويدى دەگەن ايىپ تاعىلۋدا. بۇل ءۇشىن وتانداسىمىز 7 جىلعا باس بوستاندىعىنان ايىرىلۋى مۇمكىن. ەلامان قوڭىر. دەرەك: zakon.kz. سۋرەت: azattyq.org.