ماڭعىستاۋدا انا مەن بالا ءولىمى ءۇشىن ايىپتالعان دارىگەرلەرگە ۇكىم شىقتى

اقتاۋ. 26 ناۋرىز. ماڭعىستاۋدا انا مەن بالا ءولىمى ءۇشىن ايىپتالعان دارىگەرلەرگە ۇكىم شىقتى. بۇل تۋرالى egemen.kz ءتىلشىسى حابارلادى. بوسانۋعا كەلگەن قاليما بيسەنوۆا «كەسارەۆو» تىلىگىن جاساۋ ءۇشىن دارىگەرلەر تالاپ ەتكەن قارجىنى تولەگەنمەن, دارىگەرلەر تاراپىنان شۇعىل كومەك بولماعان. ناتيجەسىندە, السىرەگەن انا مەن بالا وتا ۇستەلىندە جان تاپسىرعان. وسىدان سوڭ «ءوز جۇمىسىنا سالعىرت قاراۋ سالدارىنان ادام ولىمىنە اكەلىپ سوقتىرعان» دەپ ايىپتالعان دارىگەرلەردىڭ ۇستىنەن قىلمىستىق ءىس قوزعالعان بولاتىن. ۇكىم بويىنشا اقتاۋ قالالىق پەرزەنتحانا باس دارىگەرىنىڭ مىندەتىن اتقارۋشى بولعان ءجاميلا كەرىمبەكوۆا شارتتى تۇردە 2 جىلعا باس بوستاندىعىنان ايىرىلىپ, 1 جىل مەديتسينالىق قىزمەتپەن اينالىسۋىنا تىيىم سالىندى. ال بوسانۋ بولىمشەسىنىڭ مەڭگەرۋشىسى ساعيرا ايمەكەن مەن انەستەزيولوگ سۇندەت سارباسوۆتىڭ 2 جىلعا باس بوستاندىقتارى شەكتەلدى. بۇلار جۇمىس ورىندارىندا قالا بەرمەك. 6 ميلليون تەڭگە مورالدىق شىعىندى ۇشەۋى جابىرلەنۋشىگە ءوزارا ءبولىپ تولەۋى ءتيىس. گۇلايىم شىنتەمىرقىزى. دەرەك, سۋرەت: egemen.kz