پاكستاندا اپتاپ ىستىقتان مىڭنان استام ادام كوز جۇمدى

استانا. 25 ماۋسىم. پاكستاننىڭ وڭتۇستىگىندە اپتاپ ىستىقتان قازا بولعاندار سانى مىڭنان استى. ەلدىڭ كاراچي قالاسىندا وتكەن دەمالىس كۇندەرى اۋا تەمپەراتۋراسى 45 گرادۋسقا دەيىن كوتەرىلگەن. بۇل تۋرالى ريا «نوۆوستي» حابارلادى. جەرگىلىكتى مەتەور قىزمەتىنىڭ مالىمەتتەرىنە قاراعاندا, بەيسەنبى كۇنى اۋا تەمپەراتۋراسى 37 گرادۋسقا دەيىن تومەندەگەن. سوڭعى دەرەك بويىنشا پاكستاننىڭ وڭتۇستىك ايماعىندا اپتاپ ىستىق قۇرباندارىنىڭ سانى مىڭنان اسقانى بەلگىلى بولدى. بۇعان دەيىن قازا بولعاندار سانى 830 دەپ حابارلانعان بولاتىن. Jinnah Hospital اۋرۋحاناسى تاراتقان رەسمي اقپاراتقا سىلتەمە جاساعان DPA اقپارات اگەنتتىگى: «كاراچي قالاسىندا 950-دەن جانە باسقا دا ەلدى مەكەندەردە 50-دەن استام ادام ىستىققا شىداماي مەرت بولدى», – دەپ حابارلادى. اگەنتتىك تاراتقان مالىمەتتەر بويىنشا, 40 مىڭنان استام ادامعا كۇن ءوتىپ كەتسە, 8 مىڭنان استامى اۋرۋحاناعا جاتقىزىلعان. دارىگەرلەر تۇرعىندارعا كۇننىڭ استىندا ۇزاق جۇرمەۋگە, سونداي-اق, جەڭىل ماقتا كيىمىن كيۋگە كەڭەس بەرۋدە. سوڭعى مالىمەتتەرگە سۇيەنسەك, پاكستان بيلىگى اپتاپ ىستىقتان جاپا شەككەندەرگە كومەك كورسەتۋ ءۇشىن 100 بەكەت اشقان. ەلامان قوڭىر. دەرەك: ريا «نوۆوستي». سۋرەت: ntv.ru.