جالپى اۋماعى 2 500 شارشى مەتردى قۇرايتىن نىساننىڭ قۇنى – 350 ميلليون تەڭگە. بەكەت زاماناۋي جابدىقتالعان 6 كولونكامەن قامتىلعان. ءبىر مەزگىلدە 12 كولىككە بەنزين جانە ديزەل وتىنىن قۇيۋعا مۇمكىندىگى بار. سونىمەن قاتار, جولاۋشىلارعا ارنالعان شاعىن ماركەت تە قاراستىرىلعان. قازىرگى تاڭدا كومپانيانىڭ ەلىمىز بويىنشا 43 ساۋدا نۇكتەسى جۇمىس ىستەيدى. اباي اۋدانىندا اشىلعان جاڭا بەكەتتە 10 ادام تۇراقتى جۇمىسپەن قامتىلدى.
نىساننىڭ سالتاناتتى اشىلۋ ءراسىمىنە اۋدان اكىمى مەيىرجان سماعۇلوۆ قاتىسىپ, جوبانىڭ اباي اۋدانىندا جۇزەگە اسۋىنا قولداۋ بىلدىرگەن «LUKOIL لۋبريكانتس ورتالىق ازيا» جشس باس ديرەكتورىنىڭ كوممەرتسيالىق ماسەلەلەر جونىندەگى ورىنباسارى جەيحۋن مۇساوعىلى جانە «GAS&Mۇناي» جشس ديرەكتورى سەرىك امانگەلدى ۇلىنا العىس ءبىلدىردى.
جوبا اۋدان تۇرعىندارى مەن جولاۋشىلارعا قولايلى جاعداي جاساپ, ءوڭىردىڭ الەۋمەتتىك-ەكونوميكالىق دامۋىنا وڭ اسەرىن تيگىزبەك.
