فوتو: primeminister.kz
كەزدەسۋ بارىسىندا سەرىك جۇمانعارين موڭعوليا پرەمەر-ءمينيسترىن جوعارى مەملەكەتتىك لاۋازىمعا تاعايىندالۋىمەن قۇتتىقتاپ, تابىستى ەڭبەك تىلەدى. ول موڭعوليا قازاقستاننىڭ ازيا ايماعىنداعى ماڭىزدى سەرىكتەسى ەكەنىن, ال ەكىجاقتى ىنتىماقتاستىق تاريحي تەرەڭ تامىرلى ءوزارا قۇرمەت پەن سەنىم رۋحىندا دايەكتى تۇردە دامىپ كەلە جاتقانىن اتاپ ءوتتى.
قازاق-موڭعول ارىپتەستىگىنىڭ نەگىزى رەتىندە ساۋدا-ەكونوميكالىق ءوزارا ءىس-قيمىلعا باستى نازار اۋدارىلادى. مەملەكەت باسشىلارى ورتامەرزىمدى پەرسپەكتيۆادا ەكىجاقتى تاۋار اينالىمىن 500 ملن دوللارعا ارتتىرۋ ماقساتىن قويىپ وتىر. تاراپتار وعان ەكى ەل اراسىنداعى جەتكىزۋ نومەنكلاتۋراسىن كەڭەيتۋ, كووپەراتسيالىق جوبالاردى دامىتۋ, ساۋدا, اكىمشىلىك كەدەرگىلەردى كەزەڭ-كەزەڭىمەن جويۋ ەسەبىنەن قول جەتكىزىلەتىنىنە سەنىم ءبىلدىردى.
قازاقستان مەن قىرعىزستان اراسىنداعى تاۋار اينالىمى 1,4 ملرد دوللاردى قۇرادى
2025 جىلعى قاڭتار-قاراشاداعى قورىتىندى بويىنشا قازاقستان مەن موڭعوليا اراسىنداعى تاۋار اينالىمى $121,5 ملن-عا (+5,5%), ونىڭ ىشىندە ەكسپورت $113 ملن-عا, يمپورت $8,6 ملن-عا جەتتى. قازاقستان ەكسپورتىنىڭ قۇرىلىمىندا تەمەكى ءونىمى, راپس تۇقىمى, نان, ۇن جانە كونديتەرلىك ءونىم, تاماق ءونىمى, مايلى داقىل, سونداي-اق قوزعالتقىشتار مەن ماشينا جاساۋ ءونىمى باسىم. موڭعوليادان ەت پەن ەت ءونىمى, كاشەمير, اياق كيىم, كىلەم, جۇننەن جاسالعان بۇيىمدار يمپورتتالادى.
تاۋار اينالىمىن ودان ءارى ارتتىرۋ ماقساتىندا قازاقستان تاراپى تىكەلەي ىسكەرلىك بايلانىس ورناتۋ, سونداي-اق ەلىمىزدەگى يندۋستريالىق جانە ەركىن ەكونوميكالىق ايماقتار مەن ەكسپورتتىق الەۋەتتى تانىستىرۋ ءۇشىن موڭعولياعا ساۋدا ميسسياسىن جىبەرۋدى جوسپارلاپ وتىر.
جيىندا اۋىل شارۋاشىلىعى سالاسىنداعى جوعارى ىنتىماقتاستىقتىڭ الەۋەتى دە اتاپ ءوتىلدى. تاراپتار قازاقستاننىڭ اگرارلىق ءونىم ەكسپورتىن ارتتىرۋ, سونداي-اق موڭعوليا اۋماعىندا ولاردىڭ ءوندىرىسىن ورناتۋ مۇمكىندىگىن, ۆەتەريناريالىق ۆاكتسينالاردى جەتكىزۋ پەرسپەكتيۆاسىن تالقىلادى.
ۇلتتىق تاۋارلار كاتالوگى: 2026 جىلدان باستاپ تاۋار اينالىمى جاڭا تسيفرلىق تارتىپكە كوشەدى
ءوز كەزەگىندە حاسسۋرين گانحۋياگ ايماقتاعى ارىپتەس تۇرعىسىندا قازاقستاننىڭ موڭعوليا ءۇشىن ستراتەگيالىق ماڭىزىن اتاپ كورسەتىپ, بيىل ەكىجاقتى ىنتىماقتاستىقتى جانداندىرۋعا سەنىم ءبىلدىردى. ول قازاقستاننىڭ موڭعوليا مەن ورتالىق ازيا ەلدەرى اراسىنداعى دانەكەر رەتىندەگى رولىنە توقتالىپ, تاريفتىك ەمەس كەدەرگىلەردى انىقتاۋ جانە جويۋ بويىنشا بىرلەسكەن جۇمىس توبىن قۇرۋعا مۇددەلى ەكەنىن مالىمدەدى. موڭعوليا تاراپى ستاندارتتاۋ, ۆەتەريناريالىق قورعاۋ جانە مال شارۋاشىلىعى سالاسىنداعى ءوزارا ءىس-قيمىلدى تەرەڭدەتۋگە قىزىعۋشىلىق ءبىلدىردى.
كەزدەسۋ سوڭىندا تاراپتار سىندارلى جانە ءوزارا ءتيىمدى ىنتىماقتاستىقتى ودان ءارى دامىتۋعا نيەتتەستىك ءبىلدىردى.
