رەسەيگە ءۇندىستاننان بۋيۆولدىڭ ەتى كەلە باستادى

استانا. 24 ناۋرىز. ءۇندىستان بۇدان بۇرىن جاسالعان كەلىسىم بويىنشا رەسەيگە بۋيۆول ەتىن ەكسپورتقا شىعارا باستادى. بۇل تۋرالى «روسسەلحوزنادزور» مالىمەتىنە سۇيەنگەن Lenta.Ru حابارلادى. ءونىم ءۇندىنىڭ رەسەي فەدەراتسياسىنا ەسكپورت شىعارۋعا رۇقساتى بار Frigerio Conserva Allana Private Limited جانە Fair Exports (India) Pvt. Ltd اتتى ءتورت كاسىپورنىنان كەلىپ جاتىر. قازىر رەسەي تەرريتورياسىنا جالپى سالماعى 409 توننا بولاتىن بۋيۆول ەتى 16 كونتەينەرمەن كەلىپ ءتۇستى. «روسسەلحوزنادزور» ۇندىستانعا بۋيۆول ەتىن اكەلۋگە 2014 جىلعى جەلتوقساندا رۇقسات بەرگەن بولاتىن. ۆەدومستۆو سونداي-اق يراننان كەلەتىن قارا ۋىلدىرىقتىڭ دا جولى اشىلعانىن جاريا ەتتى. وسىعان بايلانىستى سانيتارلىق-گيگيەنالىق سەرتيفيكاتتاردى يراننىڭ 18 كاسىپورنى الىپ وتىر. رەسەي بۇدان بولەك, وتكەن جىلعى 9 قازاندا فيليپپيننىڭ Coral Agri-ventures Farm كومپانياسىنا مۇزداتىلعان قولتىراۋىن ەتىن اكەلۋگە دە كەلىسىم بەرگەن بولاتىن. رف مۇنداي قادامعا 2014 جىلعى تامىز ايىندا ەۋرووداق ەلدەرىنەن, اۆستراليادان, كانادادان, نورۆەگيا مەن اقش-تان ەت ونىمدەرىنىڭ, كوكونىس پەن جەمىس-جيدەكتىڭ, تەڭىز ونىمدەرى مەن سالقىنداتىلعان بالىقتاردىڭ, ءسۇت جانە ءسۇت ونىمدەرىنىڭ اكەلۋىنە تىيىم سالعاننان كەيىن باردى. ەمبارگو اتالعان ەلدەردىڭ ۋكراينانىڭ وڭتۇستىك-شىعىسىنداعى جاعدايلارعا بايلانىستى ەنگىزگەن سانكتسيالارىنا جاۋاپ رەتىندە سالىندى. مۇرات ايتقوجا.