فوتو: egemen.kz/ەرلان ومار
جۇمىسىنان ايىرىلۋعا بايلانىستى وتكەن جىلى 311,9 مىڭ ادامعا تولەم العاش رەت تاعايىندالعان.
قولدانىستاعى زاڭناماعا سايكەس جۇمىستان بوساتىلعان جۇمىسكەرلەر مىندەتتى الەۋمەتتىك ساقتاندىرۋ جۇيەسىنە قاتىسۋ وتىلىنە جانە سوڭعى 24 ايداعى تابىسىنا بايلانىستى 1 ايدان 6 ايعا دەيىن الەۋمەتتىك تولەمدەر الادى. تولەم جوعالعان كىرىستىڭ 45%-ىنا دەيىنگى مولشەردە ماسق قاراجاتى ەسەبىنەن جۇزەگە اسىرىلادى.
تولەم تاعايىنداۋ ءۇشىن جۇمىستان بوساتىلعان جۇمىسكەر تومەندەگى ارەكەتتەردى ورىنداۋ كەرەك:
- eGov.kz پورتالىنا تىركەلۋ;
- «جۇمىسقا ورنالاستىرۋ جانە جۇمىسپەن قامتۋ» بولىمىندە «جۇمىس ىزدەۋشى ادامداردى تىركەۋ» قىزمەتىن تاڭداۋ;
- ونلاين-قىزمەتكە تاپسىرىس بەرىپ, بارلىق بوس جولدى تولتىرۋ جانە وعان ەتسق-مەن قول قويىپ, ءوتىنىمدى جىبەرۋ قاجەت;
- ءبىر كۇن ىشىندە تۇرعىلىقتى جەرىڭىزدەگى مانساپ ورتالىعى (مو) بوس جۇمىس ورىندارىن ۇسىنادى;
- ەگەر جۇمىس تابىلماسا, 3 جۇمىس كۇنى ىشىندە قاشىقتىقتان جۇمىسسىز مارتەبەسى بەرىلەدى (قاجەت بولعان جاعدايدا مو قىزمەتكەرى قوسىمشا اقپارات جيناۋ ءۇشىن حابارلاسادى);
بۇل قىزمەتتى ونلاين رەجيمدە ەلەكتروندىق ەڭبەك بيرجاسى (enbek.kz) ارقىلى دا الۋعا بولادى.
ەڭبەك نارىعىنىڭ ەرەكشە بۋىنى: ءوزىن-ءوزى جۇمىسپەن قامتۋ زامان تالابى ما, الدە امالسىزدىق پا؟
جۇمىسسىز رەتىندە تىركەلسەڭىز مينيسترلىكتىڭ اقپاراتتىق جۇيەسى پرواكتيۆتى فورماتتا ماسق-تان تولەمدى تاعايىنداۋ بويىنشا ءموبيلدى تەلەفونعا SMS-حابارلاما جىبەرەدى. كەلىسكەن جاعدايدا SMS-حابارلاماعا جاۋاپ بەرۋ قاجەت. وسى قادامدار ورىندالعان جاعدايدا تولەم اۆتوماتتى تۇردە تاعايىندالادى.
