ورالداعى ناۋرىز مەرەكەسىندە قازاقستان تۋى كورىنگەن جوق

استانا. 24 ناۋرىز. باتىس قازاقستان وبلىسىنىڭ ورتالىعى - ورال قالاسىندا كەشەگى ناۋرىز مەرەكەسىن تويلاۋ كەزىندە كوشەلەردەن ەلىمىزدىڭ بىردە-ءبىر تۋى كورىنبەگەن. مۇنىڭ  ەسەسىنە, كورشى ەلدىڭ – رەسەيدىڭ جالاۋشالارى ءار ساۋدا ورىندارىنىڭ توبەسىندە جەلمەن ويناپ, جەلبىرەپ تۇرعان. بۇل تۋرالى جەرگىلىكتى «ۋرالسكايا نەدەليا» گازەتىنىڭ دەرەگىنە سۇيەنگەن ras.kz حابارلادى. وبلىستاعى «اقساي پورتالى» اتتى سايت وسىنداي دەرەكتەرىن كەلتىرە وتىرىپ, مۇنىڭ نەنى بىلدىرەتىنىن سۇرايدى. رەسۋرس ءتىلشىسى بۇل بويكۇيەزدىك مەملەكەتتىك سيمۆولدى زاڭسىز پايدالانۋدان قورىققاننان شىققان با, دەگەن سۇراق قويادى. ال ras.kz «ورال قاشاننان بەرى رەسەيدىڭ جەرى بولعان؟» دەگەن سۇراقتى قابىرعادان قويادى. راسىندا دا رەسەيدىڭ جالاۋشالارى قازاقستان جەرىندە قايدان ءجۇر؟ ولاردى مۇندا ساتۋعا كىم رۇقسات بەرگەن؟ بۇل الدە ناسيحاتتىڭ ءبىر ءتۇرى مە؟ وقىرماندار قازىر وسىنداي سۇراق قويىپ وتىر. قۇرىش نۇرىمبەت.