فوتو: قورعانىس مينيسترلىگى
قازاقستان قارۋلى كۇشتەرىندە مەملەكەت باسشىسىنىڭ تاپسىرمالارىنا سايكەس تاربيە جۇمىسىن كۇشەيتۋ جانە اسكەري ءتارتىپتى نىعايتۋ جونىندەگى اتقارىلىپ جاتقان بارلىق باستامالاردىڭ باسىندا تاربيەشى وفيتسەرلەر تۇر. ولاردىڭ ۇلەسى تەك مورالدىق رۋحتى قولداۋعا عانا ەمەس, سونىمەن قاتار ارميانىڭ ءتارتىبى مەن جاۋىنگەرلىك ازىرلىگىن نىعايتۋعا باعىتتالعان.
سالادا اتقارىلعان جۇمىستار اياسىندا كومانديرلەردىڭ تاربيە جانە يدەولوگيالىق جۇمىس جونىندەگى ورىنباسارلارى قىزمەتىندەگى بەس نەگىزگى باعىت ايقىندالدى. ونىڭ ىشىندە قاۋىپسىزدىك ماسەلەلەرىنە, قۇقىق بۇزۋشىلىقتاردىڭ الدىن الۋعا, اسكەري قىزمەتشىلەردىڭ قۇقىقتارىن قورعاۋعا جانە ولاردىڭ كاسىبي قۇزىرەتتەرىن دامىتۋعا جاعداي جاساۋعا بارىنشا كوڭىل ءبولىنىپ جاتىر.
رەسپۋبليكا كۇنى قارساڭىندا جۇزدەن اسا وقۋشى بولاشاق وفيتسەرلەرگە قوناققا باردى
اسكەردىڭ قوعامعا اشىقتىعى دا بىرتىندەپ كۇشەيتىلىپ كەلەدى. دەپۋتاتتاردىڭ, باس رەداكتورلار كلۋبى وكىلدەرىنىڭ جانە «انالار جۇرەگى» سارباز انالارى كوميتەتىنىڭ قاتىسۋىمەن اقپاراتتىق-ءتۇسىندىرۋ ءىس-شارالارىنىڭ كەشەنى جۇزەگە اسىرىلىر جاتىر.
الدىن الۋ جانە پسيحولوگيالىق قولداۋدىڭ كوپ دەڭگەيلى جۇيەسى قالىپتاستى. زاماناۋي دياگنوستيكالىق ادىستەر مەن تسيفرلىق مونيتورينگ قۇرالدارى قولدانىلىپ, اسكەري پسيحولوگتاردىڭ دايارلىق دەڭگەيى ارتتىرىلىپ كەلەدى. اسكەري قىزمەتشىلەر مەن ولاردىڭ وتباسى مۇشەلەرىنىڭ دەنساۋلىعىن قورعاۋ جانە مەديتسينالىق كومەكتىڭ ساپاسىن جاقسارتۋ بويىنشا قوسىمشا شارالار قابىلداندى.
جاستاردى اسكەري-پاتريوتتىق تاربيەلەۋدى دامىتۋ باعىتىندا جۇيەلى جۇمىس جۇرگىزىلىپ جاتىر. نورماتيۆتىك-قۇقىقتىق بازا جاڭارتىلىپ, وڭىرلەردە مەكتەپ وقۋشىلارىمەن, ستۋدەنتتەرمەن جانە ەڭبەك ۇجىمدارىمەن كەزدەسۋلەر وتكىزەتىن كوشپەلى اقپاراتتىق-ناسيحاتتىق توپتار ۇيىمداستىرىلعان.
اسكەري قىزمەتتىڭ قاۋىپسىزدىگىن ارتتىرۋ ماقساتىندا تاۋەكەلدەردى مونيتورينگىلەۋدىڭ تسيفرلىق جۇيەلەرى مەن زاماناۋي كەرى بايلانىس ارنالارى ەنگىزىلدى. سەنىم تەلەفوندارى, «AIsulu» Telegram-بوتى, سونداي-اق مەرزىمدى اسكەري قىزمەت ساربازدارىنىڭ جاقىندارىمەن بايلانىسۋ ءۇشىن اپتا سايىن پايدالاناتىن «وتباسىمەن بەينەقوڭىراۋ» سەرۆيسى جۇمىس ىستەيدى.
