باتىس قازاقستاندا ۇستىنە تەلەۆيزور قۇلاعان ءسابي قازا تاپتى

ورال. 24 ناۋرىز. وسى ايدىڭ 21-ءى كۇنى باتىس قازاقستان وبلىسىنىڭ بوكەي ورداسى اۋدانى, ت.ماسين اتىنداعى اۋىلدىق وكرۋگىندە كىشكەنتاي بالانىڭ ۇستىنە تەلەۆيزور قۇلاپ كەتىپ, سونىڭ سالدارىنان ءجانتاسىلىم ەتكەن. بۇل تۋرالى «موي گورود» پورتالى حابارلادى. «قازا تاپقان اۋىلدىق مەكتەپتە مۇعالىم بولىپ ىستەيتىن كەلىنشەكتىڭ 4 جاسار ۇلى بولىپ شىقتى. سول كۇنى ول جۇمىسقا كەتىپ, ۇيدە بالالارمەن اكەسى قالادى. وتاعاسى ءۇي شارۋاسى جايىمەن شامالى ۋاقىتقا سىرتقا شىعىپ كەتكەن كەزدە اتالعان قايعىلى وقيعا ورىن الىپتى», - دەپ اڭگىمەلەدى بوكەي ورداسى اۋدانىنىڭ اكىمى نۇرلان راحىمجانوۆ. ءبىرى - تورتتەگى, ەكىنشىسى ەكىدەگى ەكى ۇل بالا بار بولعانى بىرنەشە مينۋتقا عانا ءوزدى-وزىمەن وڭاشا قالعان ەكەن. «ولار, شاماسى, ويناپ ءجۇرىپ, تەلەۆيزوردى تارتىپ قالعانعا ۇقسايدى. ال زىلدەي اۋىر ەسكى تەلەۆيزور سول كەزدە تومەندەگى ءتورت جاسار بالانىڭ تۋرا باسىنا قۇلاعان. اكەسى سول ساتتە-اق ۇيگە كىرىپ كەلىپ, بولعان جايدى كورىپ قالادى, بىراق ءسابيدى قۇتقارىپ قالۋدىڭ ورايى كەلمەيدى, ول جارتى ساعاتتىڭ كولەمىندە ءجانتاسىلىم ەتەدى», - دەپ ءتۇسىندىردى اكىم. اۋىلداعىلار وسى قايعىلى وقيعا ورىن العان وتباسىن تەك جاقسى جاقتارىنان ايتىپ وتىر. تەمىر قۇسايىن. مانبە, سۋرەت: موي گورود.