فوتو: gov.kz
بۇعان دەيىن قالادا 9 مار-شرۋت بويىنشا 28 اۆتوبۋس بولسا, ونىڭ قاتارىنا تاعى 1 مارشرۋت, 5 قوعامدىق كولىك قوسىلدى. جاڭادان اشىلعان مارشرۋتتاعى اۆتوبۋستار قوناەۆ پەن كەربۇلاق, اقوزەك اۋىلدارى اراسىندا قاتىنايدى. قالعان 4 اۆتوبۋس قالاىشىلىك مارشرۋتتارعا جىبەرىلدى. جالپى العاندا, حالىققا وسى كۇنى 33 اۆتوبۋس قىزمەت كورسەتەدى. ونىڭ ىشىندە 6 باعىت قالاىشىلىك بولسا, 5-ەۋى ەلدى مەكەندەرگە قاتىنايدى.
بىلتىر قوناەۆ قالاسى اكىمدىگىنىڭ قاۋلىسىنا سايكەس, قالا اۋماعىندا جولاۋشىلاردى تاسىمالداۋعا قاتىستى cارالانعان تاريفتەر بەلگىلەنگەن. جولاۋشىلاردىڭ كەي ساناتتارىنا جەڭىلدىكتەر قاراستىرىلعان. مىسالى, ستۋدەنتتەر مەن مەكتەپ وقۋشىلارى, زەينەتكەرلەردىڭ جولاقىسىنا 50% جەڭىلدىك بار. تەگىن قاتىنايتىن جولاۋشىلار قاتارىنا كوپبالالى انالار, ءى-ءىىى توپتاعى مۇگەدەكتىگى بار ادامدار, 18 جاسقا دەيىنگى ەرەكشە بالالار مەن ولاردى الىپ جۇرەتىن جولاۋشىلار كىرەدى.
بىلتىر قالادا 16 جاڭا ايالدا-ما قولدانىسقا بەرىلدى. ايالدامالار تولىعىمەن تسيفرلاندىرىلعان, بەينەباقىلاۋ كامەرالارى, باعىتتار كورسەتىلگەن تەلەديدار, اۋا جەلدەتكىشتەر ورناتىلعان.
الماتى وبلىسى,
قوناەۆ قالاسى
