اندجەلينا دجولي قاتەرلى ىسىككە قارسى وتا جاساتتى

استانا. 24 ناۋرىز. بەلگىلى كينواكتريسا اندجەلينا دجولي وتا ارقىلى انالىق بەزى مەن جاتىر تۇتىگىن الدىرىپ تاستادى. وعان اكتريسانىڭ اتالعان دەنە مۇشەلەرىنەن قاتەرلى ىسىكتىڭ پايدا بولۋى سەبەپ بولعان. بۇل تۋرالى interfax.by حابارلادى. بۇعان دەيىن دارىگەرلەر ءدجوليدىڭ انالىق بەزىنەن قاتەرلى ىسىكتى انىقتاپ, ەم-دوم جاساعان بولاتىن. باقىتىنا وراي ىسىك اسا قاۋىپ تۋدىرمادى. سوعان قاراماستان ول وتا جاساتۋعا كەلىسىمىن بەردى. مۇنداي شەشىم قابىلداۋىنا تۋعاندارىنىڭ ءدال وسىنداي قاتەرلى ىسىكپەن اۋىرعانى سەبەپ بولدى. ءتىپتى سونىڭ سالدارىنان اجەسى, اناسى جانە اپكەسى ومىردەن وتكەن ەكەن. اقش باسىلىمدارىنىڭ بىرىنە بەرگەن سۇحباتىندا 39 جاستاعى اكتريسا: «مەن قازىر ەم-دوم قابىلداپ ءجۇرمىن. دارىگەرلەر الداعى ۋاقىتتا از-كەم فيزيكالىق وزگەرىستەر بولۋى مۇمكىن ەكەندىگىن ايتتى. ەڭ وكىنىشتىسى, مەن ەندى مۇلدەم بالا كوتەرە المايمىن», – دەدى. ايتا كەتەيىك, 2013 جىلدىڭ مامىر ايىندا اندجەلينا دجولي قاتەرلى ىسىكتىڭ الدىن الۋ ماقساتىندا ءسۇت بەزىنە دە وتا جاساتقان ەدى. بۇگىندە ومىرلىك جولداسى برەد پيتت ەكەۋى التى بالا تاربيەلەپ وتىر. ولاردىڭ ۇشەۋىن اكتريسا ءوزى ومىرگە اكەلسە, ۇشەۋىن ەرلى-زايىپتىلار اسىراپ العان. ەلامان قوڭىر. دەرەك: interfax.by. سۋرەت: dni.ru.