فۋتبول. قازاقستان بۋركينا-فاسومەن تەڭ وينادى

استانا. 12 مامىر. بۇگىن فۋتبولدان قازاقستان بۋركينا-فاسو قۇراماسىمەن جولداستىق كەزدەسۋ وتكىزدى. الماتىدا وتكەن ويىندا ەسەپ اشىلعان جوق. بۇل تۋرالى egemen.kz حابارلادى. نەگىزگى ناتيجە تەڭ بولعانىمەن ستاتيستيكالىق كورسەتكىشتەر بويىنشا قازاقستان ايتارلىقتاي باسىم بولدى. ماتچ بارىسىندا فۋتبولشىلارىمىز 12 مارتە قاقپاعا سوققى باعىتتاسا, قوناقتار 6 مارتە ستاس پوكاتيلوۆتىڭ يەلىگىن نىساناعا الدى. ال قاقپاعا تۋرا جاسالعان سوققى كورسەتكىشى بويىنشا ناتيجە تەڭ (1:1). بۇرىشتاما دوبى بويىنشا الاڭ يەلەرى ايقىن باسىمدىق تانىتتى. (12:0). ال دوپقا يەلىك ەتۋ كورسەتكىشى – 65%-35%. بۇگىندە بۋركينا-فاسو قۇراماسى فيفا رەيتينگىندە 66-ورىندا تۇر. يۋري كراسنوجان جاتتىقتىراتىن ۇلتتىق قۇرامامىز 133-ساتىدا كەلەدى. الايدا, افريكا قۇرلىعىنىڭ وكىلدەرى قازاقستانعا نەگىزگى قۇرامىن اكەلگەن جوق. وسىمەن ۇلتتىق قۇرامامىز قاتارىنان ەكىنشى رەت تەڭ وينادى. فۋتبولشىلارىمىز بۇعان دەيىنگى سوڭعى كەزدەسۋىن رەسەي قۇراماسىنا قارسى وتكىزگەن ەدى. ول ماتچتا دا ەسەپ اشىلماعانى ەسىمىزدە. قازاقستان قۇراماسى كەلەسى ويىنىن 12 ماۋسىمدا 2016 جىلعى ەۋروپا چەمپيوناتىنا ىرىكتەۋ ءتۋرنيرى اياسىندا تۇركياعا قارسى وتكىزەدى. سونداي-اق, 16 ماۋسىمدا كەزەكتى جولداستىق كەزدەسۋى ءۇشىن تاعى ءبىر افريكا قۇرلىعىنىڭ وكىلى – كابو-ۆەردەگە قارسى الاڭعا شىعادى. اتالعان ەكى ويىن الماتىدا وتەدى دەپ جوسپارلانۋدا. قازاقستان – بۋركينا-فاسو 0:0 12 مامىر. الماتى. ورتالىق ستاديون. تورەشىلەر: راۆشان يرماتوۆ, دجاحانگير سايدوۆ (ەكەۋى دە وزبەكستان), ءباھادۇر قوشقاروۆ (قىرعىزستان). قازاقستان: ستاس پوكاتيلوۆ, سەرگەي مالىي, ازات نۇرعاليەۆ (باۋىرجان يسلامحان 60), مارك گۋرمان, ابزال بەيسەبەكوۆ (سانات جۇماحانوۆ 81), تاڭات نوسەرباەۆ (سەرگەي حيجنيچەنكو 78), دميتري شومكو, رەنات ابدۋلين, گەورگي جۋكوۆ (الەكسەي ششەتكين 70), سامات سماقوۆ, ۇلان قونىسباەۆ (تيمۋر دوسماعامبەتوۆ 74). بۋركينا-فاسو: موحامەد بايلۋ, كومپاورە موۋموۋني, پارو ۋسسوۋف, سيمپورە سايد, وۋتتارا ماكسيم, گۋيمبو ەسسانە (سانو الياسسوۋ 55), ساۆادوگو حەرمانن (سونە ياكۋبا 60), سيللا موحامەد (تراورە ەريك 82), ديۆارا بانۋ, كابورە ومار (موفوسسو ترەزور 79), فوۋسسەني بەاو. ەسكەرتۋ: سيللا موحامەد 28. ەلامان قوڭىر. دەرەك: egemen.kz. سۋرەت: kff.kz.