75 جاستاعى ايگىلى تەننيسشىگە قىز زورلادى دەگەن ايىپ تاعىلدى

استانا. 24 ناۋرىز. وڭتۇستىك افريكا رەسپۋبليكاسىنىڭ سوتى تەننيستەن «ۋيمبلدون» ءتۋرنيرىنىڭ جۇپتىق سىنىندا بەس دۇركىن جەڭىمپاز اتانعان بوب ءحيۋيتتى قىز زورلادى جانە سول ماقساتتا كۇش قولداندى دەگەن كۇدىكپەن قاماۋعا الدى. بۇل تۋرالى lenta.ru حابارلادى. كەشە العاشقى سوت وتىرىسى ءوتىپ, باس قازى بەرت بام ءۇش جابىرلەنۋشى ايەلدىڭ ءسوزىن جاقتادى. ول: «ۇشەۋىنىڭ كەلتىرگەن دەرەكتەرى وتە ۇقساس. سوندىقتان ءحيۋيتتى الدىن الا دايىندالعان جوسپار بويىنشا ارەكەت ەتتى دەۋگە تولىق نەگىز بار», – دەدى. ايتسە دە, بۇرىنعى تەننيسشى وزىنە تاعىلعان ايىپتى مويىنداعان جوق. ايتا كەتەيىك, وار سوتىنا وسى جىلدىڭ اقپان ايىندا 75 جاستاعى ءحيۋيتتىڭ ۇستىنەن ءوزىنىڭ بۇرىنعى شاكىرتى ارىزدانعان. وندا شاعىمدانۋشى تاراپ 1990 جىلدارى بوبتىڭ قول استىندا جاتتىققانىن, ايتىپ: «14-تەن 17 جاسىما دەيىن ءۇش جىل بوب حيۋيتتەن ءتالىم الدىم. سول كەزدە ول ءدال كورتتىڭ ورتاسىندا مەنى زورلادى», – دەگەن. بۇعان دەيىن دە جاسى كەلگەن سپورتشىنىڭ ۇستىنەن وسىنداي ەكى ارىز تۇسكەن. ول كەزدە قىلمىستىق ءىز قوزعالىپ, ءتىپتى 2012 جىلى تەننيستىڭ حالىقارالىق داڭق زالىنان اتى الىنىپ تاستالدى. بوب ءحيۋيتتىڭ ەسىمى ول جەرگە 1992 جىلى ەنگىزىلگەن ەدى. اتالعان سپورتشى جۇپتىق سايىس بويىنشا «ۇلكەن دۋلىعا» تۋرنيرلەرىنىڭ توعىز دۇركىن جەڭىمپازى. سونىڭ بەسەۋىنە «ۋيمبلدون» تۋرنيرىندە قول جەتكىزگەن. 1964 جىلعا دەيىن اۆستراليا اتىنان سىنعا ءتۇسىپ كەلسە, كەيىن وار-عا قونىس اۋدارىپ, سول ەلدىڭ نامىسىن قورعادى. سپورتشى رەتىندە ول بارلىعى 600 مىڭ دوللار تابىس تاپقانىن ايتا كەتەيىك. ەلامان قوڭىر. دەرەك: lenta.ru. سۋرەت: gotennis.ru.