قانات يسلام قارسىلاسىن نوكاۋتپەن جەڭدى (ۆيدەو)

استانا. 24 ناۋرىز. بۇگىن تۇندە WBA Fedelatin ۆەرسياسى بويىنشا چەمپيوندىق اتاعىن قورعاعان قازاقستاندىق بوكسشى قانات يسلام كولۋمبيالىق ورلاندو دە حەسۋس ەسترادانى 4-راۋندتا نوكاۋتپەن جەڭدى. بۇل تۋرالى Vesti.kz پورتالى حابارلادى. «ورتا سالماقتا ونەر كورسەتۋشى قازاقستاندىق بوكسشى قانات يسلام كاسىپقويلار رينگىندە 19-شى رەت جەڭىس تويىن تويلادى. دۇيسەنبى, 23 ناۋرىز كۇنى 30 جاستاعى قازاقستاندىق كولۋمبيالىق ورلاندو دە حەسۋس ەسترادا,عا قارسى ۇرىستا WBA Fedelatin ۆەرسياسى بويىنشا چەمپيوندىق اتاعىن قورعادى», - دەلىنگەن حابارلامادا. جەكپە-جەك كولۋمبيانىڭ بارانكيليا قالاسىندا ءوتتى. ۇرىستىڭ العاشقى مينۋتىنان باستاپ قانات قارسىلاسىن سوققىنىڭ استىنا الدى, بىراق ول دا بىرنەشە تۋرا سوققى جاساي الدى. ەكىنشى راۋندتا قازاقستاندىق باسەكەلەسىن كىندىكتەن تومەن ۇرىپ الىپ, ءبىر ۇپايىنان ايرىلدى. ءۇشىنشى راۋندتا يسلام ەكى رەت كولۋمبيالىقتى تىزەرلەپ وتىرىپ قالۋعا ءماجبۇر ەتتى – ول ەكەۋىندە دە نوكداۋن الدى», - دەپ جازدى باسىلىم. ءتورتىنشى راۋندتىڭ باسىندا قانات سول قولىنىڭ قارىمىمەن قارسىلاسىن تاعى دا رينگكە ۇشىرىپ ءتۇسىردى. رەفەري نوكداۋن ۋاقىتىن تولىق ساناپ شىقتى. شايقاس قايتا جالعاستى. بىراق تورەشى سالدەن كەيىن ۇرىستى توقتاتىپ, قازاق جىگىتىنىڭ جەڭگەنىن جاريا ەتتى. وسىمەن قانات يسلام ءوزىنىڭ 19-شى شايقاسىن وتكىزدى. ول بۇلاردىڭ 16-سىندا ايقاستى مەرزىمىنەن بۇرىن اياقتاعان. ازىرگە بىردە-ءبىر رەت جەڭىلىپ كورگەن جوق. دامير قوجامقۇل. https://youtu.be/S1TMfidv9Po