پوروشەنكو كولومويسكيگە قارسى سوعىس جاريالادى

استانا. 24 ناۋرىز. ۋكراينا پرەزيدەنت پەتر پوروشەنكو ۋكراين گۋبەرناتورلارىن وزدەرىنىڭ «قالتاعا سالىپ العان» باتالوندارىنان ايىراتىنىن ايتتى. بۇل تۋرالى «ربك-ۋكراينا» حابارلادى. ەلدىڭ باسشىسى مۇنداي مالىمدەمەنى ۋكراينا قارۋلى كۇشتەرى بريگادالارى مەن باتالوندارى كومانديرلەرىمەن كەڭەس بارىسىندا جاسادى. «تەرريتوريالىق قورعانىس جۇيەسى انىق اسكەري تىك كولبەۋ بويىنشا باعىسىنىشتىلىققا قۇرىلعان, سوندىقتان بىزدەگى بىردە-ءبىر گۋبەرناتوردا قالتاسىندا جۇرەتىن قارۋلى كۇشتەر بولمايدى», - دەپ اتاپ ءوتتى ۋكراين ليدەرى. پوروشەنكونىڭ ءسوزى, شاماسى, بارىنەن بۇرىن سوڭعى كەزدەرى وزىمەن ءجيى ۇستاسىپ قالىپ جۇرگەن دنەپروپەتروۆسك وبلىسىنىڭ گۋبەرناتورى يگور كولومويسكيگە باعىتتالعان سياقتى. رەسمي ەمەس مالىمەتتەر بويىنشا, تاپ وسى كولومويسكي ۋكرايننىڭ بىرقاتار قارۋلى قۇرىلىمدارىنا دەمەۋشىلىك كومەك كورسەتىپ تۇرادى-مىس. اتاپ ايتقاندا, بۇقارالىق اقپارات قۇرالدارى ونى «دنەپر» جانە «ازوۆ» باتالوندارىنا بايلانىستى دەپ ەسەپتەيدى. ايتا كەتەيىك, پوروشەنكو مەن كولومويسكيدىڭ اراسىنداعى قارىم-قاتىناس وتكەن اپتادا «ۋكرنافتا» كومپانياسى توڭىرەگىندە تۋعان جانجالدىڭ اياسىندا قاتتى شيەلەنىسىپ كەتتى. مۇرات ايتقوجا. مانبە, سۋرەت: ربك-ۋكراينا.