فوتو: instagram.com/janibek_alimkhanuly
«ۆ سىناماسى اشىلدى. دۇعادا بولايىق. ناتيجەسىن كۇتەمىز», دەپ جازدى ول الەۋمەتتىك جەلىدەگى پاراقشاسىندا.
سونداي-اق قازاقستان كاسىبي بوكس فەدەراتسياسى جانىبەك ءالىمحان ۇلىنىڭ ءىسى بويىنشا B سىناماسىن اشۋ زاڭدى تۇرعىدان شەشۋشى كەزەڭ ەكەنىن جانە بۇل تەك سپورتشىنىڭ مانسابىنا ەمەس, ىسكە قاتىسۋشى بارلىق تاراپتىڭ ارەكەتىنە قۇقىقتىق باعا بەرۋگە تىكەلەي اسەر ەتەتىنىن مالىمدەدى. فەدەراتسيا حالىقارالىق سپورت قۇقىعىنىڭ نەگىزگى قاعيداتتارى مەن پروتسەس بارىسىندا ادالدىقتى جانە رەگلامەنتتىڭ قاتاڭ ساقتالۋىن تالاپ ەتىپ وتىر.
«B سىناماسىنىڭ رەسمي ناتيجەلەرى الىنعانعا دەيىن سپورتشى زاڭدى تۇردە كىناسىز بولىپ سانالادى. ايىپتاۋشى سيپاتتاعى كەز كەلگەن جاريا مالىمدەمەلەردى ءبىز پروتسەستىڭ ادىلدىگىنە قىسىم كورسەتۋ جانە سپورتشىنىڭ قۇقىقىن بۇزۋ دەپ ەسەپتەيمىز. فەدەراتسيا B سىناماسىنىڭ اشىلۋى مەن تالدانۋى بەكىتىلگەن راسىمدەرگە تولىق سايكەس جۇرگىزىلۋىن, سپورتشى مەن ونىڭ وكىلدەرىنىڭ پروتسەستىڭ بارلىق كەزەڭىنە جانە ناتيجەلەرىنە قول جەتكىزۋىن تالاپ ەتەدى. رەگلامەنتتەن اۋىتقىعان كەز كەلگەن ناتيجە جارامسىز دەپ تانىلۋى مۇمكىن», دەلىنگەن فەدەراتسيا حابارلاماسىندا.
راقىمجان ەردەنبەكوۆ باستاعان ۇيىم B سىناماسى تازا دەپ تانىلعان جاعدايدا بارلىق ايىپتاۋدى رەسمي تۇردە الىپ تاستاۋدى, سپورتشىنىڭ بەدەلىن جاريا تۇردە قالپىنا كەلتىرۋدى جانە ءىس بارىسىنداعى ارەكەتتەرگە قۇقىقتىق باعا بەرۋدى سۇراۋدى جوسپارلاپ وتىر.
ال بۇزۋشىلىقتار زاڭدى جانە دالەلدى تۇردە انىقتالسا, فەدەراتسيا رەگلامەنت اياسىندا شەشىم قابىلداماق.
ەسكە سالايىق, The Ring باسىلىمى جانىبەك الىمحان ۇلى ەريسلاندي لاراعا قارسى ورتا سالماقتاعى WBO, IBF جانە WBA بەلبەۋلەرى ءۇشىن بىرىككەن تيتۋلدىق جەكپە-جەك الدىنداعى دوپينگ-تەستتەن وتپەي قالعانىن حابارلاعان.
دەسە دە وتانداسىمىز وسى اقپارات تاراعاننان كەيىن بىرنەشە رەت جەكپە-جەك الدىندا بارشا تالاپتى ساقتاعانىن مالىمدەدى. سونداي-اق VADA ۇيىمى العان العاشقى دوپينگ-تەست ناتيجەسىندە قارسى كورسەتكىشتەر انىقتالماعانىن ايتتى.
ەلىمىزدىڭ سپورت جانە تۋريزم مينيسترلىگى ماسەلەگە ارالاسىپ, قاجەتتى شارالاردى ورىنداۋ ءۇشىن وتانداسىمىزعا قولداۋ كورسەتەتىنىن حابارلاعان.
ال بەلگىلى باپكەر جۇمابەك ومىرزاقوۆ جانىبەك ءالىمحان ۇلى ەندىء ىرى جەكپە-جەكتەر وتكىزبەۋى ىقتيمال ەكەنىن ايتتى.
