تۋىسقان ەلگە – اسكەري-تەحنيكالىق كومەك

استانادا قازاقستان رەسپۋبليكاسىنىڭ قورعانىس ءمينيسترى يمانعالي تاسماعامبەتوۆتىڭ قىرعىز رەسپۋبليكاسى قورعانىس ۆەدومستۆوسىنىڭ باسشىسى ءابيبيللا قۇدايبەرديەۆپەن كەزدەسۋى ءوتتى. «تاۋەلسىزدىك العاننان باستاپ ەلىمىزدىڭ اراسىن­داعى ەكىجاقتى قارىم-قاتىناستار دوستىق پەن ىنتىماقتاستىق رۋحىندا دامىپ كەلەدى. ەلىمىزدىڭ اراسىندا ءوزارا ءىس-قيمىلدىڭ قامتىلماعان سالالارى قالعان جوق, سونىڭ ايعاعى رەتىندە ساياسي, ەكونوميكالىق, مادەني جانە اسكەري سالالارداعى بەلسەندى ۇنقاتىسۋلار بولىپ تابىلادى. مەملەكەت باسشىسى نۇرسۇلتان نازارباەۆ ءبىزدىڭ وڭىردەگى تۇراق­تىلىق پەن قاۋىپسىزدىكتى قامتاماسىز ەتۋ ماسەلەلەرىنە باسىمدىق ءمان بەرەدى. وسىنى نەگىزگە الا وتىرىپ, اۋعانستانداعى جانە ىرگەلەس ورنالاسقان اۋماقتاردىڭ جاۋىنگەرلىك ءىس-قيمىلدارىندا نەگىزدەلگەن شەتەل مەملەكەتتەرىنىڭ جاۋىنگەرلىك دايارلىق تاجىريبەسىن زەردەلەي وتىرىپ, ءوزىمىزدىڭ قارۋلى كۇشتەرىمىزدى نىعاي­تۋعا بارىنشا كۇش-جىگەر سالىپ جاتىرمىز», – دەدى قازاقستاننىڭ قورعانىس ءمينيسترى يمانعالي تاسما­عامبەتوۆ. ەكىجاقتى نەمەسە ورتالىقازيالىق بىرلەسكەن وقۋ-جاتتىعۋلاردى ءارتۇرلى ستسەناريلەر بويىنشا وتكىزۋ مۇمكىندىگىن قاراستىرۋدى ماقساتقا سايكەس دەپ ويلايمىن. سونىمەن قاتار, ءبىزدىڭ قارۋلى كۇشتەردىڭ جەدەل ۇيلەسىمدىلىگىن ارتتىراتىن تاۋلى-ورماندى جەرلەردە جاۋىنگەرلىك ءىس-قيمىلداردى جۇرگىزۋ مۇمكىندىكتەرىن, زاڭسىز قارۋلانعان قۇرالىمدارمەن كۇرەسۋ تۇرلەرى مەن ادىستەرىن زەردەلەي وتىرىپ, جاۋىنگەرلىك دايارلىق اياسىندا تاجىريبە الماسۋ ماقساتىندا ءبىزدىڭ ساراپشىلاردىڭ كەزدەسۋىن وتكىزۋدى ۇسىنامىن», – دەپ يمانعالي تاسماعامبەتوۆ اتاپ ءوتتى. قىرعىزستان اۋماعىنىڭ 15 پايىزى تاۋلى جەرلەر. جانە سايكەسىنشە بۇل ماسەلەدە تاجىريبەلەرىڭىز مول. قازاقستانداعى تاۋلى اۋماق – 10%, بىراق, سونىڭ وزىندە جاۋىنگەرلىك ءىس-قيمىلدار وتەتىن مەملەكەتتەردىڭ اۋماعىمەن ىرگەلەس. سوندىقتان تاجىريبەنى زەردەلەۋ جانە ءبىزدىڭ بولىمشەلەردى دايىنداۋ ءبىز ءۇشىن وتە ماڭىزدى. تاۋلى-ورماندى جەرلەردە جاۋىنگەرلىك دايارلىق اياسىندا تاجىريبە الماسۋ وتە ماڭىزدى اسپەكت», – دەپ يمانعالي تاسماعامبەتوۆ اتاپ ءوتتى. ودان باسقا, قازاقستان رەسپۋبليكاسىنىڭ قور­عانىس ءمينيسترى قازاقستانداعى جاۋىنگەرلىك دايارلىق كۋرستارىندا قىرعىز اسكەري قىزمەتشىلەرىن دايارلاۋ ماسە­لەسى اياقتالۋ كەزەڭىندە تۇرعانىن حابارلادى. جىل­دىڭ سوڭىنا دەيىن كەلىسىمشارتقا باس شتاب باستىق­تارىنىڭ ورىنباسارلارى دەڭگەيىندە قول قويى­لا­تىنى جانە 2016 جىلدان باستاپ قازاقستاندا قىرعىز اسكەري قىزمەتشىلەرىن دايىنداۋ باستالاتىنى جوسپارلانۋدا. ءسوز سوڭىندا قورعانىس ۆەدومستۆولارىنىڭ باسشى­- ­لارى قىرعىز رەسپۋبليكاسىنا اقىسىز اسكەري-تەح­­­ني­­كالىق كومەك كورسەتۋ تۋرالى كەلىسىمگە قول قويدى. قازىرگى ۋاقىتتا قازاقستان رەسپۋبليكاسى قور­عانىس مينيسترلىگىنىڭ اسكەري وقۋ ورىندارىندا قىرعىز رەسپۋبليكاسىنىڭ 64 اسكەري قىزمەتشىسى دايىن­دىقتان ءوتىپ جاتقانىن اتاپ وتكەن ءجون. ونىڭ 2-ءۋى – وفيتسەر-تىڭداۋشى, 62-ءسى – كۋرسانت. 1998 جىلدان باستاپ 2015 جىلعا دەيىن قازاقستان قورعانىس مينيسترلىگىنىڭ اسكەري وقۋ ورىندارىندا بارلىعى قىرعىزستان قارۋلى كۇشتەرىنىڭ 186 اسكەري قىزمەتشىسى ءبىلىم الدى. ولاردىڭ 29-ى – وفيتسەر-تىڭداۋشى, 157-ءسى – كۋرسانت. «ەگەمەن-اقپارات».