فوتو: ۇلتتىق ۇلان, تەلەگرام
ساۋدا ورتالىعى قوناقتارى ءۇشىن كۇتپەگەن ساتتە اسكەري كيىمدەگى ۇلاندىقتار كوپشىلىككە سۇيىكتى جاڭاجىلدىق اۋەندەردى ورىندادى. مەرەكەلىك پەرفورمانسقا ءىىم ۇلتتىق ۇلانىنىڭ ەرلەر حورى مەن ۇلگىلى-كورسەتىمدى وركەسترى قاتىسىپ, Jingle Bells جانە قازاق تىلىندەگى Happy New Year سەكىلدى تانىمال كومپوزيتسيالاردى شىرقادى. كورەرمەندەر ونەرپازداردى جىلى ىقىلاسپەن قارسى الدى.
مۋزىكالىق قويىلىم نەبارى بىرنەشە مينۋتقا عانا سوزىلعانىمەن, بۇل ۋاقىت ادامدارعا شىنايى ەموتسيا مەن مەرەكەلىك كوڭىل-كۇي سىيلاۋعا جەتكىلىكتى بولدى. ساۋدا ورتالىعىنىڭ كەلۋشىلەرى ءبىر ساتكە ايالداپ, بولعان ءساتتى تەلەفونعا ءتۇسىرىپ, اسكەري قىزمەتشىلەردىڭ اندەرىنە قوشەمەت ءبىلدىردى.
قالانىڭ قاربالاس تىرشىلىگىندە بۇل توسىن كونتسەرت كۇندەلىكتى كۇيبەڭنەن ءبىر ساتكە الىستاتىپ, جاڭا جىلدىڭ جاقىنداعانىن سەزىنۋگە مۇمكىندىك بەردى.
اسكەريلەردىڭ ايتۋىنشا, ولاردىڭ باستى ماقساتى – ادامداردى قۋانتىپ, شىنايى ءارى جىلى ەموتسيالاردان تۋىندايتىن مەرەكەلىك كوڭىل كۇيدى بىرنەشە مينۋتقا بولسا دا تارتۋ ەتۋ.
