قازاق ءباسپاسوزىنىڭ تاريحى وسىدان 106 جىل بۇرىن, ياعني 1919 جىلى العاشقى سانى وقىرمان قولىنا تيگەن ساتتەن باستاپ قالىپتاستى. گازەتتىڭ قالىپتاسۋى مەن دامۋىنا بەرنياز كۇلەي ۇلى, سماعۇل سادۋاقاس ۇلى, جۇسىپبەك ايماۋىت ۇلى, مۇحتار اۋەزوۆ, بەيىمبەت مايلين, ساكەن سەيفۋللين سەكىلدى ۇلت زيالىلارى زور ۇلەس قوستى. سونداي-اق تۇرار رىسقۇلوۆ, وراز جاندوسوۆ, عابيت مۇسىرەپوۆ, شەرحان مۇرتازا جانە ءابىش كەكىلباي ۇلى سىندى ءبىرتۋار تۇلعالار وسى قارا شاڭىراقتا ەڭبەك ەتىپ, باسىلىم ارقىلى ەلدىڭ مۇڭىن مۇڭداپ, جوعىن جوقتادى.
گازەتتىڭ اتاۋى بىرنەشە مارتە وزگەردى:
- 1921-1932 جىلدارى – «ەڭبەكشى قازاق»;
- 1932 جىلدان باستاپ – «سوتسيالدى قازاقستان»;
- 1937 جىلدان باستاپ – «سوتسياليستىك قازاقستان».
ال ەل ەگەمەندىگىنىڭ نىشانى بولعان قازىرگى «ەگەمەن قازاقستان» اتاۋى تاريح جىلناماسىنا 1993 جىلى جازىلدى. باسىلىمنىڭ 100 جىلدىق (2019 ج.) جانە 105 جىلدىق (2024 ج.) مەرەيتويلارى ءوز دەڭگەيىندە جوعارى دەڭگەيدە اتالىپ ءوتتى.
بۇگىندە «ەگەمەننىڭ» ءاربىر سانى مەن سارعايعان پاراقتارىنداعى دەرەكتەر جىل ساناپ ەمەس, كۇن ساناپ قۇندىلىعىن ارتتىرىپ كەلەدى.
