مينيسترلىكتىڭ جوباسى بارىسىندا وتاندىق قالامگەرلەر تمد ەلدەرىنىڭ بىرقاتار ارحيۆتەرىندە زەرتتەۋ جۇرگىزىپ, قازاق تاريحى مەن ادەبيەتىنە قاتىستى تىڭ دەرەكتەردى جيناقتاپ, 15 عىلىمي-شىعارماشىلىق ەڭبەك ازىرلەدى.
وسى ەڭبەكتەردى كوپشىلىك نازارىنا ۇسىنۋ ماقساتىندا 2025 جىلدىڭ 15 جەلتوقسانىندا پاۆلودار قالاسىنداعى س.تورايعىروۆ اتىنداعى وبلىستىق كىتاپحانادا كەڭ كولەمدى ادەبي فورۋم جانە جاڭا كىتاپتاردىڭ تۇساۋكەسەرى وتەدى. ءىس-شاراعا ەلىمىزدىڭ بەلگىلى اقىن-جازۋشىلارى, زەرتتەۋشىلەر, جاس عالىمدار, سونداي-اق رەسەيدىڭ ادەبيەت زەرتتەۋشى قالامگەرلەرى مەن ادەبيەت وكىلدەرى قاتىسادى.
فورۋم بارىسىندا اۆتورلار ءوز ەڭبەكتەرىنىڭ مازمۇنى مەن ماڭىزىن تانىستىرىپ, ارحيۆتىك دەرەكتەردىڭ ادەبيەت پەن عىلىمداعى ورنى تۋرالى وي بولىسەدى. سونىمەن قاتار اشىق پىكىرتالاستار, شىعارماشىلىق كەزدەسۋلەر جانە كىتاپ كورمەسى ۇيىمداستىرىلادى.
ءىس-شارانىڭ ماقساتى – جوبا ناتيجەسىندە جارىق كورگەن جاڭا ەڭبەكتەردى جۇرتشىلىققا تانىستىرۋ, قازاق ادەبيەتىنىڭ عىلىمي نەگىزىن كەڭەيتۋ, ارحيۆتىك دەرەكتەردى ادەبيەت پەن زەرتتەۋ سالاسىنا ەنگىزۋ, تمد ەلدەرى اراسىنداعى مادەني جانە ادەبي ىنتىماقتاستىقتى نىعايتۋ جانە قازاقستان مەن رەسەي قالامگەرلەرى اراسىنداعى عىلىمي-شىعارماشىلىق بايلانىستى تەرەڭدەتۋ.
