فوتو: istockphoto.com
الماتى وبلىسى پد مالىمەتىنشە, Audi A6 كولىگىنىڭ جۇرگىزۋشىسى ءرولدى باسقارا الماي, قارسى جولاققا شىعىپ كەتكەن. سول جەردە Nissan Cefiro اۆتوكولىگىمەن سوقتىعىسقان.
اپات سالدارىنان ەكى كولىكتىڭ جۇرگىزۋشىلەرى مەن ەكى جولاۋشى العان جاراقاتتارىنان وقيعا ورنىندا كوز جۇمدى. تاعى ءۇش جولاۋشى ءتۇرلى دەنە جاراقاتتارىمەن اۋرۋحاناعا جەتكىزىلدى.
قازىرگى ۋاقىتتا بولعان وقيعانىڭ بارلىق ءمان-جايى انىقتالىپ, سوتقا دەيىنگى تەرگەۋ جۇرگىزىلىپ جاتىر.
تەرگەۋ بارىسى وڭىرلىك پوليتسيا دەپارتامەنتى باسشىلىعىنىڭ باقىلاۋىنا الىندى.
بۇعان دەيىن ەلوردادا قالىڭ قار جاۋىپ, جولداردىڭ تايعاق بولۋى سالدارىنان 93 جول-كولىك وقيعاسى تىركەلگەنىن حابارلاعان ەدىك. قالالىق پوليتسيا دەپارتامەنتى جۇرگىزۋشىلەرگە اۋا رايىنىڭ قولايسىزدىعىن ەسكەرىپ, جىلدامدىقتى ازايتۋ جانە كولىكتەر اراسىنداعى قاشىقتىقتى ساقتاۋدى ۇسىنادى.
