بۋدجاك دالاسىندا گاگاۋزيا باشكانىن سايلاۋ ءجۇرىپ جاتىر

استانا. 22 ناۋرىز. بۇگىن مولدوۆا مەملەكەتىنىڭ قۇرامىنداعى گاگاۋزيا اكىمشىلىك-تەرريتوريالىق بىرلىگىندە ونىڭ باشكانىن, ياعني باسشىسىن سايلاۋ ءوتىپ جاتىر. بۇل تۋرالى Lenta.Ru حابارلادى. اكىمشىلىك-تەرريتوريالىق بىرلىكتىڭ باسشى بولۋ ءۇشىن مۇندا 10 كانديدات سايلاۋعا ءتۇسىپ جاتىر. «الايدا, رەسەي فەدەراتسياسىمەن بايلانىستى كەڭەيتە ءتۇسۋ ءۇشىن كۇرەسەتىن ۇمىتكەردىڭ ناقتى مۇمكىندىگى بارىنەن ارتىق سانالىپ وتىر», - دەلىنگەن حابارلامادا. تۇركى تىلدەس گاگاۋز حالقىنىڭ باسىن قۇرايتىن بۋدجاك دالاسىندا باشكان سايلاۋىن جەرگىلىكتى سايلاۋ كوميسسياسى ۇيىمداستىرادى. مۇنداعى جۇرتتىڭ ەركى مەن قالاۋى پروتسەسىنە مولدوۆا بيلىگى مۇلدەم ارالاسپايدى. ال سايلاۋشىلاردىڭ 50 پايىزدان استام بولىگى كەلگەندە سايلاۋ وتتىگە سانالادى. گاگاۋزيا – مولدوۆانىڭ وڭتۇستىك بولىگىندە ورنالاسقان اۆتونومياوى تەرريتوريالىق قۇرىلىم. ايماقتاعى تۇرعىنداردىڭ 80 پايىزىن تەگى مەن ءتىلى تۇركىلىك, الايدا, ءدىنى پراۆوسلاۆيە گاگاۋزدار قۇرايدى. ولار تۇرىك, ازەربايجان, تۇرىكمەن, افشار, قاشقاي, قاراداع حالىقتارى ءتارىزدى تۇركى ءتىلىنىڭ وعىز توبىنا جاتادى. 1990 جىلى بۇل رەسپۋبليكا ءوزىنىڭ تاۋەلسىزدىگىن جاريالاپ, 4 جىل بويى مويىندالماعان مەملەكەت مارتەبەسىندە تىرشىلىك ەتتى. 1995 جىلى ول اۆتونوميا قۇقىعىمەن مولدوۆا قۇرامىنا قايتا كىردى. مۇرات ايتقوجا.