باسقوسۋعا وقۋ-اعارتۋ ءمينيسترى جۇلدىز سۇلەيمەنوۆا, باس پروكۋروردىڭ ءبىرىنشى ورىنباسارى جاندوس ومىراليەۆ, بالا قۇقىقتارى جونىندەگى ۋاكىل دينارا زاكيەۆا قاتىستى.
جيىندا استانا جانە الماتى قالالارى, اقتوبە, جامبىل, قاراعاندى, قوستاناي, قىزىلوردا وبلىستارى اكىمدەرىنىڭ ورىنباسارلارى بايانداما جاساپ, بالالار قاۋىپسىزدىگىن قورعاۋ سالاسىنداعى وزەكتى ماسەلەلەرگە توقتالدى.
ەرلان قارين بالالار قۇقىعى مەن قاۋىپسىزدىگىن قورعاۋ ىشكى ساياسات سالاسىنىڭ باسىم باعىتى ءارى مەملەكەت باسشىسىنىڭ ءجىتى نازارىنداعى ماسەلە ەكەنىن ەسكە سالدى.
مەملەكەتتىك كەڭەسشى ەلىمىزدە بالالاردىڭ قۇقىعىن قورعاۋ سالاسىندا زاڭنامالىق جانە ينستيتۋتسيونالدىق نەگىزدەر قالىپتاسقانىن اتاپ ءوتتى. سونىمەن قاتار «قازاقستان بالالارى» باعدارلاماسىنىڭ جوباسى اياسىندا 100-دەن اسا ءىس-شارادان تۇراتىن كەشەندى شارالار قاراستىرىلىپ وتىرعانىن جەتكىزدى. مۇنىڭ بارلىعى بالالار قاۋىپسىزدىگىن قامتاماسىز ەتۋ ءتاسىلىن جەتىلدىرۋگە باعىتتالعان.
ەرلان قارين وقۋ-اعارتۋ مينيسترلىگىنە اتالعان باعىتتاعى جۇمىستى ۇتىمدى ۇيلەستىرىپ, بىرلەسكەن ءىس-قيمىل شارالارى مەن تاسىلدەرىن ازىرلەۋدى تاپسىردى.
وڭىرلەر باسشىلىعىنىڭ قاتىسۋىمەن مۇنداي جيىندار تۇراقتى تۇردە ۇيىمداستىرىلادى.
