وبلىستىق كاسىپكەرلەر پالاتاسى بيزنەسكە قارجىلىق ەمەس قولداۋ كورسەتۋ ءبولىمىنىڭ باسشىسى جانارگۇل جولامانوۆانىڭ ايتۋىنشا, جەڭىمپازدىڭ ءبىرى – «نۇرباقىت» جەكە كاسىپكەرلىگىنىڭ يەسى نۇرباقىت جاركەنوۆا قاز ەتىن وندىرۋمەن اينالىسادى.
ال «Cool Man» جەكە كاسىپكەرلىگىن قۇرعان اسقار قۇلمان اۋىل شارۋاشىلىعىنا ارنالعان بيوگۋمي ءوندىرىسىن اشقان. سونداي-اق جەكە كاسىپكەر بولەكباي قۋانىشقاليەۆ جەكە ءىسىن اعاش بۇيىمدارىن جاساۋمەن دامىتىپ وتىر.
ء«بىز اۋىلداردا ۇلكەن الەۋەتتىڭ بارىن, ساپالى ءارى سۇرانىسقا يە ءونىم شىعارا الاتىن مىقتى كاسىپكەرلەر شوعىرى قالىپتاسقانىن كورىپ وتىرمىز. ء«بىر اۋىل – ءبىر ءونىم» جوباسى وسىنداي كاسىپ يەلەرىنە قولداۋ كورسەتۋدى كوزدەيدى. جوبانىڭ ءۇش جەڭىمپازىنا قايتارىمسىز مەملەكەتتىك گرانت بەرىلدى. بۇل قارجى ولاردىڭ بيزنەسىن كەڭەيتۋگە جول اشادى», دەدى جانارگۇل جولامانوۆا.
