Tele2 جانە Altel كومپانيالارى ابونەنتتىك تولەم مەن تاريفتىك جوسپارلار بويىنشا كورسەتىلەتىن قىزمەت كولەمىنىڭ وزگەرەتىنىن مالىمدەدى. وپەراتورلاردىڭ تۇسىندىرۋىنشە, تاريفتەردىڭ وسۋىنە جاڭا سالىق كودەكسىنىڭ كۇشىنە ەنۋى, سونداي-اق جەلىلەردى دامىتۋ, جاڭعىرتۋ جانە قىزمەت كورسەتۋ شىعىندارىنىڭ ارتۋى سەبەپ بولعان.
«كومپانيا تاريفتىك جوسپارلار باعاسىن قايتا قارايدى. بۇل – جەلىلەردى دامىتۋ مەن قىزمەت كورسەتۋ شىعىندارىنىڭ وسۋىنە, سونداي-اق سالىق زاڭناماسىنداعى وزگەرىستەرگە بايلانىستى ءماجبۇرلى شارا. ابونەنتتىك تولەمدى وزگەرتۋ سەرۆيستەردىڭ تۇراقتىلىعىن قامتاماسىز ەتىپ, قىزمەت ساپاسىن ارتتىرۋعا مۇمكىندىك بەرەدى», دەلىنگەن Tele2/Altel حابارلاماسىندا.
تاريفتەردىڭ قالاي وزگەرەتىنى جونىندەگى ناقتى اقپارات ءار ابونەنتكە SMS ارقىلى جىبەرىلەدى. ايتا كەتەيىك, Tele2 جانە Altel – «موبايل تەلەكوم-سەرۆيس» جشس-ءنىڭ ساۋدا ماركالارى.
Beeline دا تاريفتەردىڭ وزگەرەتىنىن راستادى. كومپانيا 2026 جىلعى 1 قاڭتاردان باستاپ ءموبيلدى جانە كەڭسە ينتەرنەتىنىڭ قۇنى قايتا قارالاتىنىن حابارلادى. تاريفتەردەگى ناقتى ءوسىم جونىندەگى اقپارات كومپانيانىڭ رەسمي سايتىندا جاريالانادى.
«ققس مولشەرلەمەسىنىڭ وزگەرۋى بايلانىس, ينتەرنەت جانە سەرۆيستىك قىزمەتتەردىڭ قۇنىنا اسەر ەتەدى. وسىعان بايلانىستى ابونەنتتىك تولەم دە تۇزەتىلەدى. ءبىز بارلىق پايدالانۋشىلاردى وزگەرىستەر كۇشىنە ەنگەنگە دەيىن كەمىندە 30 كۇن بۇرىن حاباردار ەتەمىز», دەپ مالىمدەدى Beeline.
ال Kcell كومپانياسى تاريفتەردى قىمباتتاتۋ جونىندە ازىرگە ناقتى شەشىم قابىلداماعانىن حابارلادى.
«ققس مولشەرلەمەسىنىڭ وزگەرۋ ىقپالىن زەرتتەپ جاتىرمىز. ەگەر تاريفتەردى قايتا قاراۋ قاجەتتىلىگى تۋىنداسا, بۇل تۋرالى رەسمي تۇردە الدىن الا حابارلايمىز», دەلىنگەن كومپانيا حابارلاماسىندا.
