ونىڭ ايتۋىنشا, قازاقستاندا ازىرگە بالامالى اسكەري قىزمەت قاراستىرىلماعان.
بالامالى اسكەري قىزمەت – بۇل مىندەتتى اسكەري بورىشتى اتقارۋدىڭ ورنىنا ۇسىنىلاتىن مەملەكەتتىك قىزمەت ءتۇرى. ول ءدىني, مورالدىق نەمەسە باسقا دا سەنىمدەرىنە بايلانىستى قارۋلى قاقتىعىستارعا قاتىسا المايتىن ازاماتتارعا ارنالعان. مۇنداي قۇقىق حالىقارالىق نورمالاردا (مىسالى, بىرىككەن ۇلتتار ۇيىمىنىڭ 1948 جىلعى كونۆەنتسياسىندا) جانە كوپتەگەن ەلدەردىڭ ۇلتتىق زاڭناماسىندا بەكىتىلگەن.
«بىزدە 24 جاسقا تولعاننان كەيىن بەلگىلى ءبىر كەيىنگە قالدىرۋ جاعدايى نەمەسە دەنساۋلىققا بايلانىستى سەبەپتەر بولسا, رەسمي تۇردە اقى تولەپ, 40 كۇندىك كۋرستان ءوتىپ, اسكەري بيلەت الۋعا مۇمكىندىك بار. قازىر ناقتى ەسىمدە جوق, شامامەن 240 مىڭ تەڭگە... نەمەسە 300 مىڭ تەڭگە كولەمىندە», دەدى سەرىك بۋرامباەۆ ءماجىلىس كۋلۋارىندا.
ونىڭ سوزىنشە, بۇل ءۇشىن اسكەري كوميسسارياتقا بارۋدىڭ قاجەتى جوق, ءوتىنىشتى ونلاين تۇردە «تسيفرلىق اسكەري كوميسساريات» ارقىلى بەرۋگە بولادى.
«مىسالى, ءسىز: “ماعان اسكەري بيلەت كەرەك, قىزمەت ەتۋىم قاجەت” دەيسىز. سول كەزدە ۇمىتكەر كەزەككە تۇرادى, تولەم جاسايدى جانە كەزەگى كەلگەندە قىزمەتتەن وتەدى», دەپ تولىقتىردى ءمينيستردىڭ ورىنباسارى.
