فوتو: اشىق دەرەككوز
«قايرات» فۋتبول كلۋبى ۋەفا-مەن بىرلەسكەن تالقىلاۋلاردان كەيىن 9 جەلتوقسانداعى «وليمپياكوسقا» جانە 20 قاڭتارداعى «بريۋگگەمەن» وتەتىن ويىنداردى ەلوردادا وتكىزۋ تۋرالى شەشىمدى قابىلدادى. كلۋبتىڭ شەشىمىنە الماتىداعى ورتالىق ستاديون شاتىرىنىڭ جوقتىعى, تومەن تەمپەراتۋرا مەن قاردىڭ ءجيى جاۋ قاۋپى جانكۇيەرلەرگە دە, ستاديون قىزمەتىنە دە ايتارلىقتاي قيىندىق تۋعىزاتىنى سەبەپ بولعان. جابىق ستاديون جاعدايىندا كورەرمەندەر مەن كوماندالار ءۇشىن الدەقايدا قاۋىپسىز ءارى جايلى ورتا قامتاماسىز ەتىلەدى.
الداعى ماڭىزدى ويىندارعا ارنالعان بيلەتتەردىڭ قۇنى 15 مىڭ مەن 50 مىڭ تەڭگە ارالىعىندا بەلگىلەنگەن. 28 قاراشادان باستاپ بيلەتتەر Qairat SuperApp جانە Freedom SuperApp ءموبيلدى قوسىمشالارىندا ساتىلادى. ءار جانكۇيەرگە ەكى بيلەتتەن ارتىق راسىمدەۋگە تىيىم سالىنادى.
سونىمەن قاتار Ticketon قىزمەتى «قايراتتىڭ» ماۋسىمدىق ابونەمەنت يەلەرىنە الدىن الا حابارلاسىپ, باسىمدىقپەن بيلەت الۋ ءتارتىبى جايلى تولىق نۇسقاۋلىق بەرەدى. وسىلايشا, كلۋب جانكۇيەرلەرىنە بارىنشا قولايلى جاعداي جاساپ, چەمپيوندار ليگاسىنىڭ اسا جاۋاپتى ماتچتارىنا دايىندىقتى كۇشەيتىپ جاتىر.
