قىزىلوردا وبلىسىندا باسقارما باسشىسى تاعايىندالدى

استانا. 24 ماۋسىم. وبلىس اكىمىنىڭ 2015 جىلعى 24 ماۋسىمداعى وكىمىمەن جاحانوۆ باحىت دۇيسەن ۇلى قازالى اۋدانىنىڭ اكىمى قىزمەتىنەن بوساتىلىپ, قىزىلوردا وبلىسىنىڭ اۋىل شارۋاشىلىعى باسقارماسىنىڭ باسشىسى لاۋازىمىنا تاعايىندالدى. بۇل تۋرالى وبلىس اكىمدىگىنىڭ ءباسپاسوز قىزمەتى حابارلادى. وبلىس اكىمى قىرىمبەك كوشەرباەۆ جاڭا قىزمەتكە تاعايىندالعان باسشىعا اۋىلشارۋاشىلىق سالاسى بويىنشا ۇلكەن جاۋاپكەرشىلىك جۇكتەلگەنىن ايتتى. ءوز سوزىندە ايماق باسشىسى: «سوڭعى 2 جىلدا اۋىل شارۋاشىلىق سالاسىنا بولىنگەن قارجى 7 ەسەگە ءوستى. بۇل سالاداعى مەملەكەتتىك باعدارلامالاردى جۇزەگە اسىرۋدا قىرۋار جۇمىس بار. سوندىقتان پرەزيدەنت اكىمشىلىگىنىڭ كەلىسىمىمەن جاۋاپتى قىزمەتتى باحىت دۇيسەن ۇلىنا تاپسىرىپ وتىرمىز. جۇمىسىنا ساتتىلىك تىلەيمىز», – دەدى. جاحانوۆ باحىت دۇيسەن ۇلى 1974 جىلى قىزىلوردا قالاسىندا دۇنيەگە كەلگەن. 1992 جىلى ى. جاحاەۆ اتىنداعى پوليتەحنيكالىق ينستيتۋتىندا ەكونوميست-مەنەدجەر ماماندىعى بويىنشا ءبىلىم العان. ەڭبەك جولىن 1996 جىلى قىزىلوردا وبلىسىنىڭ اۋىل شارۋاشىلىعى دەپارتامەنتىنىڭ جەتەكشى مامانى بولىپ باستاعان. 2008-2011 جىلدارى قىزىلوردا وبلىسىنىڭ اۋىل شارۋاشىلىعى, سونداي-اق, تابيعي رەسۋرستار جانە تابيعات پايدالانۋدى رەتتەۋ باسقارمالارىن باسقارعان. 2011-2013 جىلدارى قىزىلوردا وبلىسى اكىمىنىڭ ورىنباسارى قىزمەتىن اتقارعان. 2013 جىلدىڭ اقپان ايىنان وسى كەزگە دەيىن قازالى اۋدانىنىڭ اكىمى لاۋازىمىندا قىزمەت اتقارىپ كەلدى. تالعات رايىمبەك. دەرەك, سۋرەت: وبلىس اكىمدىگىنىڭ ءباسپاسوز قىزمەتى.