كىتاپحاناشى ماماندىعىنىڭ مارتەبەسىن كوتەرۋ, شىعارماشىلىق باستامالارىن قولداۋ ماقساتىندا وتكىزىلگەن ءىس-شاراعا ۋنيۆەرسيتەتتىڭ پروفەسسور-وقىتۋشىلار قۇرامى, ستۋدەنتتەر مەن كىتاپحانا قىزمەتكەرلەرى قاتىستى.
بايقاۋ ۇجىم جاستارىنىڭ زاماناۋي بيىمەن باستالىپ, عىلىمي كىتاپحانا ديرەكتورى باقىتجان اسەتىلدا ۇلىنىڭ قۇتتىقتاۋىنا ۇلاستى. ء«بىلىمنىڭ قاينار كوزى – كىتاپ بولسا, ونى ناسيحاتتايتىن رۋحاني ورتا – كىتاپحانا. كىتاپحاناشى – سول اسىل مۇرانى كوزىنىڭ قاراشىعىنداي ساقتاپ, وقىرماندى رۋحاني الەمگە جەتەلەيتىن تۇلعا», دەي وتىرىپ, ارىپتەستەرىن كاسىبي مەرەكەلەرىمەن قۇتتىقتادى.
العاشقى ء«وزى تۋرالى بەينەبايان» اتتى كەزەڭدە بايقاۋ قاتىسۋشىلارى بەينەروليكتەرى ارقىلى وزدەرىنىڭ وسى كاسىپكە كەلۋ ماقساتىن, قىزمەتى مەن جەتىستىكتەرىن كورسەتتى. «شىعارماشىلىق الەمىم» كەزەڭىندە ءوز ونەرلەرىن ورتاعا سالىپ, ايگۇل يساقانوۆا توقىما بۇيىمدارىن, اياۋلىم تاعايبەك ءتاتتى توقاشتارىن, تالشىن اسحاتقىزى قولدان جاسالعان سومكەلەرىن ورتاعا الىپ شىعىپ, جاسالۋ جولدارى مەن شەبەرلىك سىرىمەن ءبولىستى.
قازىلار القاسىنىڭ شەشىمىمەن «وقىرماندارعا قىزمەت كورسەتۋ» ءبولىمىنىڭ باس مامانى ايگۇل اليقىزى «ۇزدىك كىتاپحاناشى – 2025» بايقاۋىنىڭ باس جۇلدەگەرى اتانىپ, ارنايى ديپلوممەن ماراپاتتالدى. بايقاۋ دەمەۋشىلەرىنىڭ اتىنان جەڭىمپازعا 100 000 تەڭگە, قالعان قاتىسۋشىلارعا 50 000 تەڭگەدەن قارجىلاي سىيلىق بەرىلدى.
