سىبايلاس جەمقورلىققا قارسى ءىس-شارالار – ادىلەتتى قوعامعا باستايتىن جول

قازاقستان رەسپۋبليكاسى تاۋەلسىزدىك العان كۇننەن باستاپ جەمقورلىققا قارسى جۇيەلى شارالاردى قولعا الدى. 2015 جىلى قابىلدانعان «سىبايلاس جەمقورلىققا قارسى ءىس-قيمىل تۋرالى» زاڭ وسى باعىتتاعى نەگىزگى قۇجاتتاردىڭ ءبىرى بولىپ تابىلادى. سونىمەن قاتار, «قازاقستان – 2050» ستراتەگياسىندا, مەملەكەتتىك قىزمەت تۋرالى زاڭ, 2022–2026 جىلدارعا ارنالعان سىبايلاس جەمقورلىققا قارسى ساياسات تۇجىرىمداماسى سياقتى ستراتەگيالىق قۇجاتتار كەشەندى تۇردە جۇزەگە اسىرۋعا مۇمكىندىك بەرەدى.

قولدانىپ جاتقان ءىس-شارالار:

1. زاڭنامالىق تەتىكتەردى جەتىلدىرۋ. جەمقورلىق قۇقىقبۇزۋشىلىقتارعا قولدانىلاتىن جازالاردى قاتاڭداتۋ, مەملەكەتتىك قىزمەتشىلەردىڭ ادەبى مەن جاۋاپكەرشىلىگىن ارتتىرۋ.

2. اشىقتىق پەن ەسەپتىلىك. «اشىق بيۋدجەتتەر», «اشىق نقا» سياقتى ونلاين پلاتفورمالار ارقىلى مەملەكەتتىك ورگانداردىڭ جۇمىسى قوعام نازارىندا بولادى.

3. قوعامدىق باقىلاۋ. ازاماتتىق قوعام وكىلدەرىنىڭ قىزمەت اتقارۋشىلاردىڭ فورماتىنا بەلسەندى ارالاسۋى. ۇكىمەتتىك ەمەس ۇيىمدار, جۋرناليستەر مەن بەلسەندى ازاماتتار مەملەكەتتىك ورگانداردىڭ جۇمىسىنا مونيتورينگ جاساپ, ۇسىنىستار ەنگىزە الادى.

4. سىبايلاس جەمقورلىققا قارسى مادەنيەتتى قالىپتاستىرۋ. الەۋمەتتىك جوبالار, تاربيە مەن ءبىلىم بەرۋ ءىس-شارالارى ارقىلى جاستاردىڭ بويىندا ادالدىق پەن ادىلدىك قۇندىلىقتارىن ناسيحاتتاۋ. جوو-لاردا «پاراسات جولى» ورتالىقتارى جۇمىس ىستەيدى.

سوڭعى جىلدارى حالىقارالىق رەيتينگتەردە قازاقستاننىڭ كورسەتكىشتەرى بىرتىندەپ جاقسارعانىمەن, جەمقورلىقپەن كۇرەس ءالى دە ماڭىزدى مىندەت بولىپ وتىر. بۇل باعىتتاعى جۇيەلى جۇمىستار ەلىمىزدىڭ تۇراقتى دامۋى ءۇشىن اسا قاجەت. قازاقستان ءوز الدىنا قويعان دامىعان 30 ەلدىڭ قاتارىنا قوسىلۋ ماقساتىنا جەتۋ ءۇشىن اشىقتىق پەن ادىلدىككە نەگىزدەلگەن مەملەكەتتىك باسقارۋ جۇيەسىن قالىپتاستىرۋعا ءتيىس.

سىبايلاس جەمقورلىققا قارسى كۇرەس – ۇزاق مەرزىمدى جانە ۇزدىكسىز پروتسەسس. بۇل تەك مەملەكەتتىك ورگانداردىڭ مىندەتى ەمەس, بۇكىل قوعامنىڭ ورتاق جاۋاپكەرشىلىگى. ءاربىر ازامات ادالدىق پەن ادىلدىكتى ومىرلىك ۇستانىمعا اينالدىرسا, مەملەكەتتىك قۇرىلىمدار اشىقتىقپەن ادىلدىككە سۇيەنسە, قازاقستاندا سىبايلاس جەمقورلىقسىز وركەنيەتتتى قوعام قالىپتاساتىنى ءسوزسىز.

ايناگۇل ءماجيتوۆا,

باتىس قازاقستان وبلىسىنىڭ مامانداندىرىلعان اۋدانارالىق ەكونوميكالىق سوتىنىڭ باس مامانى.