بۇل — جەر رەسۋرستارىن, سۋ قورلارىن, ەنەرگيانى باسقارۋ جانە بيولوگيالىق ارتۇرلىلىكتى ساقتاۋ سالالارىندا كەشەندى ءارى ورنىقتى شەشىمدەر ازىرلەۋگە باعىتتالعان عىلىمي-ءبىلىم بەرۋ ورتالىعى.
ينستيتۋت وڭىرلىك جانە حالىقارالىق سەرىكتەستەردىڭ عىلىمي الەۋەتىن بىرىكتىرەتىن پلاتفورما رەتىندە جۇمىس ىستەيتىن بولادى.
بۇل باستاما ۇلتتىق عىلىم اكادەمياسى, KazNARU جانە DKU قازاقستان-نەمىس ۋنيۆەرسيتەتىنىڭ ىنتىماقتاستىعىمەن, حاننس زايدەل قورىنىڭ ستراتەگيالىق قولداۋىمەن جۇزەگە اسىپ وتىر.
ينستيتۋتتىڭ باستى ماقساتى – جەر, سۋ, ەنەرگيا جانە بيوالۋانتۇرلىلىككە قاتىستى ءوزارا بايلانىستى ماسەلەلەردى عىلىمي تۇرعىدا شەشۋ ارقىلى ايماقتىڭ ورنىقتى دامۋىنا ۇلەس قوسۋ. بۇل رەتتە پانارالىق زەرتتەۋلەرگە, حالىقارالىق اكادەميالىق ۇتقىرلىققا جانە ورتالىق ازيا ءۇشىن جوعارى بىلىكتى ماماندار دايارلاۋعا باسا نازار اۋدارىلادى.
ۇلتتىق عىلىم اكادەمياسىنىڭ مالىمەتىنە سۇيەنسەك, ينستيتۋت قىزمەتىنىڭ تومەندەگى نەگىزگى باعىتتاردى قامتيدى:
- سۋ جانە جەر رەسۋرستارىن ورنىقتى باسقارۋدىڭ ساياساتىن ازىرلەۋ;
- تابيعي رەسۋرستاردى باسقارۋعا ارنالعان تسيفرلىق شەشىمدەردى ەنگىزۋ;
- كليماتتىڭ وزگەرۋ جاعدايىندا جۇمىس ىستەيتىن كادرلاردى دايارلاۋ;
جەردىڭ توزۋى مەن شولەيتتەنۋىنىڭ الدىن الۋعا باعىتتالعان تاجىريبەلەردى ىلگەرىلەتۋ.
نەمىس سەرىكتەستەرى, سونىڭ ىشىندە حاننس زايدەل قورى, ينستيتۋتقا زەرتتەۋ باعدارلامالارىن ىسكە قوسۋدان باستاپ ستراتەگيالىق سەسسيالار وتكىزۋ مەن ءبىلىم بەرۋ پلاتفورمالارىن دامىتۋعا دەيىنگى ارالىقتا قارجىلىق جانە ساراپتامالىق قولداۋ كورسەتەتىن بولادى.
«Nexus» ينستيتۋتىنىڭ قۇرىلۋى – قازاقستان مەن گەرمانيا اراسىنداعى ارىپتەستىكتى نىعايتۋ جولىنداعى ماڭىزدى قادام ءارى ايماقتىق سىن-قاتەرلەرگە جاۋاپ بەرە الاتىن جانە تۇراقتى دامۋ ماقساتتارىنا قول جەتكىزۋگە ىقپال ەتەتىن ورنىقتى اكادەميالىق ينفراقۇرىلىمدى قالىپتاستىرۋعا باعىتتالعان تىڭ باستاما.
الماتى
