«ماڭگىلىك ەل» – ەڭ قۋاتتى مەملەكەت

شىمكەنتتە «ماڭگىلىك ەل – جال­پى­قازاقستاندىق بىرەگەيلىك نەگىزى» تاقىرىبىمەن وڭتۇستىك قازاقستان وبلىستىق قازاقستان حالقى اسسامبلەياسىنىڭ XVIII سەسسياسى ءوتتى. وبلىس اكىمى اسقار مىرزاحمەتوۆ توراعالىق   ەتكەن سەسسيا جۇمىسىنا پارلامەنت ءماجىلىسىنىڭ دەپۋتاتى ر.حالمۇرادوۆ قاتىستى. اسقار مىرزاحمەتوۆ تالايلى تاعدىرىندا تالاي ناۋبەتتى باسىنان كەشىرىپ, بۇگىندە مىقتى مەملەكەتتەردىڭ ساناتىنان ويىپ ورنىن العان مەملەكەتىمىزدىڭ بۇگىنگى جاعدايىن سارالاي كەلىپ, وبلىس جۇرتشىلىعىن قازاق حاندىعىنىڭ 550 جىلدىعىمەن جانە قازاقستان حالقى اسسامبلەياسىنىڭ 20 جىل­دى­عىمەن قۇتتىقتادى. 2015 جىل ەل تاريحىندا ەلەۋلى ورىن الاتىن ايتۋلى وقيعالارعا تولى. بۇل اسسامبلەيا جىلىنىڭ ەلدىڭ ءبىر­لىگى مەن ىنتىماعىنا ۇلەس قوسىپ جۇرگەن سىزدەر ءۇشىن ماڭىزى زور. ەلباسى 5 ينستيتۋتتىق رە­فورما اياسىندا 100 ناقتى قادام ۇلت جوسپارىن جاريالادى. حا­لىق ءومىرىنىڭ بارلىق سالاسىن  قام­تيتىن 100 ناقتى قادامدى ىسكە اسىرۋ قوعام مەن مەملەكەتتى قايتا قالىپتاستىرۋعا باعىتتالعان, دەدى پارلامەنت ءماجىلىسىنىڭ دەپۋتاتى ر.حالمۇرادوۆ. سەسسيا بارىسىندا وڭتۇستىك قازاقستان وبلىسى اكىمى اپپاراتى باسشىسىنىڭ ورىنباسارى, وبلىستىق قحا حاتشىلىعىنىڭ مەڭ­گە­رۋشىسى م.قالمۇراتوۆ جانە وبلىستاعى بىرقاتار ەتنوما­دەني بىرلەستىك وكىلدەرى ءسوز ءسوي­لەدى. سەسسيادا قازاقستان حالقى اسسامبلەياسى كەڭەسىنىڭ شەشى­مىمەن ەل بىرلىگىن نىعايتۋعا, مادە­نيەت­ارالىق ۇنقاتىسۋدى جانە قازاق­ستاندىق ءپاتريوتيزمدى دامىتۋعا قوسقان ەلەۋلى ۇلەسى ءۇشىن «قازاقستان حالقى اسسامبلەياسىنىڭ قوعامدىق «بiرلiك» التىن مەدالi» تۇركىستان قالاسىنىڭ اكىمى الىپبەك وسەر­باەۆ­قا بەرىلدى. وبلىستىق ءماسليحات دەپۋتاتى ب.نيشانكۋلوۆ «قازاقستان حالقى اسسامبلەياسىنا – 20 جىل» مەرەكەلىك مەدالىمەن ماراپاتتالسا, «ەلاستوپوليمەت» اق ديرەكتورى م.كوروستەلەۆا مەن وبلىستىق قحا جانىنداعى انالار كەڭەسىنىڭ مۇشەسى يا.ساپاەۆاعا قازاقستان حالقى اسسامبلەياسىنىڭ قۇرمەت گراموتاسى تاپسىرىلدى. وڭىردەگى ەتنوستار اراسىنداعى دوستىقتى نىعايتۋداعى ەڭبەگى ءۇشىن «ايعاق» جشس باس ديرەكتورى د.ءابىش, تۇلكىباس اۋداندىق سلاۆيان ەتنومادەني بىرلەستىگىنىڭ توراعاسى س.سكلياروۆ, وبلىستىق مادەنيەت باسقارماسى باسشىسىنىڭ ورىنباسارى ا.تەمىرحان, وبلىستىق تاتار-باشقۇرت ەتنومادەني بىرلەستىگىنىڭ ءتورايىمى س.اكبەرديەۆا, كەنتاۋ قالالىق ەتنومادەني بىرلەستىگىنىڭ توراعاسى ح.ابدۋۆاليەۆ, وقمپي پرورەكتورى ج.قوبلانوۆ, وبلىس­تىق ۇيعىر ەتنومادەني بىرلەس­تىگى توراعاسىنىڭ ورىنباسارى ت.مۋ­حامەتوۆ وبلىس اكىمىنىڭ «باۋىر­مال» سىيلىعىنا يە بولدى. جيىندا قازاقستان حالقى اس­سام­بلەياسىنىڭ XVIII سەسسياسىنا قاتىسۋشى ءوڭتۇس­تىك­قا­زاق­ستان­دىقتار ۇندەۋ قابىلدادى. باقتيار تايجان, «ەگەمەن قازاقستان». شىمكەنت.