ەرەۆاندا پوليتسيا شەرۋشىلەردى قۋىپ تاراتتى

استانا. 23 ماۋسىم. كەشە تۇندە ارمەنيانىڭ استاناسى – ەرەۆان قالاسىندا ەلەكتر قۋاتى باعاسىنىڭ ارتۋىنا بايلانىستى شەرۋگە شىعۋشىلاردى پوليتسيا قۋىپ تاراتتى. بۇل تۋرالى «نوۆوستي ارمەنيا» پورتالىنا سىلتەمە جاساعان ras.kz حابارلادى. «قۇقىق قورعاۋشىلار كۇش قولدانىلۋعا دايىندىق تۋرالى مالىمدەلگەننەن كەيىن بىرنەشە ساعاتتان سوڭ ەرەۆاننىڭ ورتالىعىندا ەلەكتر قۋاتى تاريفىنىڭ وسۋىنە قارسىلىق ءبىلدىرۋ اكتسياسىنا قاتىسۋشىلاردى قۋىپ تاراتتى», – دەلىنگەن پورتال حابارلاماسىندا. باگراميان داڭعىلىن تازارتار الدىندا قالا پوليتسياسى باستىعىنىڭ ورىنباسارى ۆالەري وسيپيان شەرۋشىلەردەن 10 مينۋتتىڭ ىشىندە ءوز ەرىكتەرىمەن تاراپ, ازاتتىق الاڭىنا ورالۋدى تالاپ ەتتى. ول ەل بايتاعىنىڭ ورتالىق كوشەلەرىندەگى قوزعالىستى قالپىنا كەلتىرۋ قاجەت ەكەنىن ايتىپ ءتۇسىندىردى. وسيپيان سونداي-اق, ەلدىڭ پوليتسياسى باستىعىنىڭ پرەزيدەنت سەرج سارگسياننىڭ شەرۋشىلەر ۇسىناتىن بەس ادامنان تۇراتىن پارلامەنتاريمەن كەزدەسىپ, جاعدايدى تالقىلاۋعا دايىن ەكەنىن ايتقان مالىمدەمەسىن جەتكىزدى. حابارلانعانداي, ءتاريفتىڭ ءوسۋىن جەدەل توقتاتۋدى تالاپ ەتكەن شەرۋشىلەر بۇل كەزدەسۋدەن باس تارتقان. مۇنىڭ الدىندا توپتاعىلاردىڭ پوليتسيانىڭ وتىنىشىمەن ايقايلاۋلارىن قويعاندارى ايتىلادى. الدىن الا ەسەپ بويىنشا كوشەگە شىققاندار سانى 500 ادام شاماسىندا بولعان. وسىدان كەيىن پوليتسيا ىسكە كىرىسكەن. مۇنىڭ بارىسىندا ونىڭ سۋ شاشاتىن قۇرالداردى پايدالانعانى دا ايتىلىپ وتىر. تالعات رايىمبەك. دەرەك, سۋرەت: ras.kz.