كولىك سالاسىنىڭ كەڭەيتىلەر كوكجيەگى

قازىرگى كۇنى ەلىمىزدە كولىك ينفراقۇرىلىم جۇمىستارى بەلسەندى تۇردە جۇزەگە اسىرىلۋدا. سونىڭ ناتيجەسىندە جاڭادان كوپتەگەن جوبالار قولعا الىندى. سولاردىڭ قاتارىندا قۇرعاق پورت قۇرىلىسىن جۇرگىزۋ, استاناداعى كولىك-لوگيستيكالىق ينفراقۇرىلىمداردى جاقسارتۋ, اقتاۋ تەڭىز پورتىن كەڭەيتۋ,  بورجاقتى – ەرساي تەمىرجول جەلىسىن جۇرگىزۋ, ارقالىق – شۇباركول جاڭا تەمىرجول جەلىسىن ىسكە قوسۋ, جەزقازعان – بەينەۋ جاڭا تەمىرجول جەلىسىن ىسكە قوسۋ, جەتىگەن – قورعاس – قر مەملەكەتتىك شەكاراسى تەمىرجول جەلىسىن سالۋ, جولاۋشىلار تاسىمالداۋدى دامىتۋ, «قازتەمىرترانس» اق يننوۆاتسيالىق قىزمەتىن دامىتۋ, ىشكى جانە سىرتقى تەرمينالدىق جەلىلەردى دامىتۋ, لوكوموتيۆتەر جانە ۆاگوندار شىعاراتىن جاڭا زاۋىتتى سالىپ دامىتۋ, اۋەجايلار جۇمىسىنىڭ ساپاسىن ارتتىرۋ, كونتەينەرلىك جۇك تاسىمالىن دامىتۋ سەكىلدى جوبالار بار. سولاردىڭ كەيبىرىنە ازداپ توقتالا كەتەيىك: قۇرعاق پورت قۇرىلىسى: «قورعاس – شىعىس قاقپاسى» ارنايى ەكونوميكالىق اۋدانى ينفرا­قۇ­رى­لىم­دىق نىساندارىن جانە قۇرعاق پورت قۇرىلىسىن جۇزەگە اسىرۋدىڭ كەشەن­دى جۇمىستارى 3 كەزەڭنەن تۇرادى. ءبىرىنشى كەزەڭدە قۇرعاق پورت ءجا­نە كولىك-لوگيستيكالىق كەشەن ينفرا­قۇ­رى­لىمىنىڭ ءبىرىنشى كەزەكتى نىساندارىن سالۋ جانە ولاردى التىنكول ستانساسىنىڭ تەمىرجول ينفراقۇرىلىمدارىمەن جال­عاۋ جۇمىستارى جۇزەگە اسىرىلۋدا. قۇرعاق پورتتىڭ ءبىرىنشى كەزەگىن ىسكە قوسۋعا قاجەتتى نەگىزگى جۇمىستار 2014 جىلدىڭ 1 جەلتوقسانى كۇنى اياق­تالعان بولاتىن. قازىرگى كۇنى مۇن­دا لوگيستيكالىق بەلدەۋدەگى بىرقا­تار جۇمىستار جۇزەگە اسىرىلدى. كون­تەي­نەرلىك تەرمينالدىڭ نەگىزگى الاڭى ازىرلەنىپ, بەتونداۋ جۇمىستارى ءجۇر­گىزىلۋدە. 9 شاقىرىمعا رەلستى شپالدار ءتو­سەلىندى. مۇنىڭ سىرتىندا قۇرعاق پورت وپە­راتورىنىڭ اكىمشىلىك عيماراتى, اۆتو­كو­لىكتەردىڭ جول ايرىقتارى جانە قۇرعاق پورت ىشىندەگى اۆتوكولىك جولدارى, سۋ بوگەندەرى سالىنۋدا. كەدەن وداعى بويىنشا بۇل جوبا ماڭىزى وتە زور ورتالىق رەتىندە باعا­لا­نۋدا. ويتكەنى, وسى جوبا قۇرىلىسى ارقىلى كەدەن وداعى ەلدەرىنە جانە ەۋروپا ەلدەرىنە, تۇركيا مەن پارسى شىعاناعى ەلدەرىنە, قىتاي حالىق رەس­پۋبليكاسىنان شىققان ەكسپورتتىق تا­ۋارلار جونەلتىلەتىن بولادى. سونداي-اق, اتالعان ەلدەردەن شىققان ەكسپورتتىق ونىمدەر وسى نىساندار ارقىلى قىتايعا وتكىزىلەدى. اقتاۋ تەڭىز پورتىن كەڭەيتۋ جوباسى: بۇل جوبا اقتاۋ پورتىن سولتۇستىك باعىتتار بويىنشا كەڭەيتۋ ماسەلەسىن قاراستىرادى. ەكى جۇك جونەلتەتىن ايلاق, ءبىر استىق ءتۇسىرىپ تيەيتىن جۇك كەشەنى ءتيىستى ينفراقۇرىلىمدارمەن سالىنادى. ولاردىڭ جالپى قۋاتى جىلىنا 3 ميلليون توننا جۇكتى تيەپ-تۇسىرۋگە جانە ساقتاۋعا مۇمكىندىك بەرەدى. ءسويتىپ, پورتتىڭ قۋاتى قازىرگى 18 ميلليون توننادان 21 ميلليون تونناعا دەيىن ارتادى. جوبانى جۇزەگە اسىرۋ ءۇشىن «اقتاۋ تەڭىز سولتۇستىك تەرمينال» جشس بىرلەسكەن كاسىپورنى قۇرىلعان. ءبىر­لەس­كەن كاسىپورىن جۇمىسىنا سينگاپۋردىڭ IPD كومپانياسى, «KTZ Express» اق جانە «اممتپ» ۇق» اق قاتىسۋدا. تەرمينال الاڭى 22 گەكتاردى قۇ­رايدى. تەڭىز پورتىن كەڭەيتۋ جۇمىس­تارىن 2015 جىلدىڭ شىلدە ايىنىڭ با­سىندا اياقتاۋ جوسپارلانىپ وتىر.  جوبانىڭ جالپى قۇنى 38 ميلليارد تەڭگەنى قۇرايدى. مۇنىڭ 30 پايىزى قاتىسۋشىلاردىڭ قارجىسى بولسا, 70 پايىزى – تارتىلعان نەسيە قارجىلار. جۇمىس كەستەگە ساي جۇزەگە اسىرىلۋدا.