فوتو:
سينوپتيكتەردىڭ بولجامى بويىنشا, الداعى ءۇش كۇندە قازاقستان اۋماعى ارقىلى بەلسەندى تسيكلون جىلجىپ وتەدى. سوعان بايلانىستى باتىس, سولتۇستىك جانە ورتالىق وڭىرلەردە جاڭبىر, نايزاعاي, كەي جەرلەردە قاتتى جاۋىن, بۇرشاق جانە داۋىل كۇتىلەدى.
شىعىس پەن وڭتۇستىك-شىعىستا اۋا رايى نەگىزىنەن جاۋىن-شاشىنسىز بولادى. رەسپۋبليكا بويىنشا جەلدىڭ كۇشەيۋى, ال وڭتۇستىكتە شاڭدى داۋىل بولجانىپ وتىر.
سونداي-اق سينوپتيكتەر 24-26 شىلدە ارالىعىندا قازاقستاننىڭ بىرنەشە وڭىرىندە قاتتى اپتاپ ىستىق بولاتىنىن ەسكەرتەدى:
24 شىلدەدە باتىس, وڭتۇستىك-باتىس جانە سولتۇستىك-باتىستا اۋا تەمپەراتۋراسى +35…+38°س; ورتالىقتا – +38°س دەيىن; وڭتۇستىكتە – +40…+42°س; وڭتۇستىك-شىعىستا – +35…+39°س.
25 شىلدە كۇنى الماتى وبلىسىنىڭ باتىسى مەن سولتۇستىگىندە – +42°س دەيىن; ورتالىق پەن شىعىستا – +35…+38°س; وڭتۇستىكتە – +42°س دەيىن; وڭتۇستىك-شىعىستا – +35…+39°س.
26 شىلدە الماتى وبلىسىنىڭ باتىسى مەن سولتۇستىگىندە اپتاپ ىستىق +42°س دەيىن ساقتالادى; شىعىس پەن وڭتۇستىك-شىعىستا – +39°س دەيىن; سولتۇستىكتە – +35°س دەيىن.
ەستەرىڭىزگە سالا كەتەيىك, بۇعان دەيىن سينوپتيكتەر 2025 جىلعى شىلدە ايىنا ارنالعان كونسۋلتاتيۆتىك بولجامدى جاريالاعان بولاتىن. بولجامعا سايكەس, شىلدە ايى قازاقستاندا تۇراقسىز اۋا رايىمەن, جاڭبىرمەن, كەي جەرلەردە قاتتى نوسەرمەن, نايزاعايمەن, بۇرشاقپەن جانە داۋىلدى جەلمەن سيپاتتالادى.
