فوتو: bzh.life
اتىراۋ وڭىرلىك كوممۋنيكاتسيالار قىزمەتى تاراتقان اقپاراتقا سۇيەنسەك, وقيعا كەشە, 13 شىلدەدە بولعان.
«اتىراۋداعى باسسەيندەردىڭ بىرىندە حلوردان ۋلانۋدىڭ ىقتيمال جاعدايى تىركەلدى. مەديتسينالىق كومەككە 14 ادام جۇگىندى. اۋرۋحاناعا 3 ادام جاتقىزىلدى. دارىگەرلەر ولاردىڭ جاعدايىن تۇراقتى دەپ باعالادى. وزگەلەرى دارىگەرلەردىڭ باقىلاۋىنا الىندى», دەپ حابارلادى وڭىرلىك كوممۋنيكاتسيالار قىزمەتى.
وبلىس اكىمى سەرىك شاپكەنوۆ اتالعان وقيعاعا بايلانىستى دەنساۋلىق ساقتاۋ باسقارماسىنا زارداپ شەككەندەردىڭ جاعدايىن باقىلاۋدا ۇستاۋدى تاپسىردى. سونداي-اق باسقارماعا باسسەيندەر مەن اكۆاپاركتەردىڭ جۇمىسىن تەكسەرۋ جۇكتەلدى.
«باسسەيندە ەپيدەمياعا قارسى ءىس-شارالار جۇرگىزىلدى. اۋا مەن سۋدان سىناما الىندى. حلور بۋى شەكتى مولشەردەن اسپاعان, زەرتحانالىق تالداۋ جۇمىستارى جالعاسىپ جاتىر», دەپ ناقتىلادى وڭىرلىك كوممۋنيكاتسيالار قىزمەتىنەن.
اتىراۋ وبلىستىق پوليتسيا دەپارتامەنتىنىڭ ءباسپاسوز قىزمەتىنىڭ دەرەگىنە قاراعاندا, باسسەيندەگى وقيعاعا قاتىستى قىلمىستىق ءىس قوزعالعان.
«قىلمىستىق ءىس تىركەلدى. تەرگەۋ جۇرگىزىلىپ جاتىر. وزگە اقپارات تەرگەۋ مۇددەسىنە سايكەس جاريالاۋعا جاتپايدى», دەپ مالىمدەدى دەپارتامەنتتىڭ ءباسپاسوز قىزمەتى.
