بەينەباقىلاۋ كومەگىمەن 4 مىڭنان استام قىلمىس اشىلدى

اقمولا وبلىستىق ىشكى ىستەر دەپارتامەنتىنىڭ ءباسپاسوز حاتشىسى گۇلنار پينچۋكتىڭ حابارلاۋىنشا, جىل باسىنان بەرى بەينەباقىلاۋ ارقىلى 4383 اكىمشىلىك قۇقىق بۇزۋشىلىق پەن 40 قىلمىستىڭ بەتى اشىلعان. سونىڭ ارقاسىندا ۇرلىق, توناۋ, بۇزاقىلىق, وزگەنىڭ كولىگىن ءمىنىپ كەتۋ سەكىلدى باسقا دا كەلەڭسىز جاعدايلاردى دەر كەزىندە الدىن الۋعا مۇمكىندىك تۋدى. ماسەلەن, جۋىردا وبلىس ورتا­لىعىنداعى دۇكەندەردىڭ بىرىندە قالا تۇرعىنىنىڭ 60 مىڭ تەڭگە اقشاسى مەن اشەكەيلىك القاسى قولدى بولعان ەدى. پوليتسيا قىزمەتكەرلەرى جەدەل-ىزدەستىرۋ شارالارى بارىسىندا كوكشەتاۋ قالالىق ىشكى ىستەر باسقارماسىنىڭ جەدەل باسقارۋ ورتالىعىنداعى بەينەباقىلاۋ كامەرالارىنا ءتۇسىپ قالعان 22 جاستاعى ەكى ازاماتتى تۇتقىندادى. قۇرىقتالعانداردىڭ ۇستىنەن قر قك 191-بابىنىڭ 2 بولىمىمەن (توناۋ) قىلمىستىق ءىس قوزعالدى. ولار ۋاقىتشا وقشاۋلاۋ يزولياتورىنا توعىتىلدى. قازىرگى كۇنى كوكشەتاۋ قالا­سى­نىڭ كوشە قيىلىستارىندا, تۇر­عىن ءۇي اۋلالارىندا, قوعامدىق ورىن­دار­دا 103 بەينەباقىلاۋ كامەراسى قويىلىپ, ونىڭ وڭ ناتيجە بەرىپ وتىرعانىن ايتا كەتكىمىز كەلەدى.  باقبەرگەن امالبەك, «ەگەمەن قازاقستان». اقمولا وبلىسى.