اقجايىقتىڭ دەنساۋلىق ساقشىلارى سوڭعى ورىندا ما؟

تاياۋدا دەنساۋلىق ساقتاۋدى دامىتۋدىڭ رەسپۋبليكالىق ورتالىعى سالاداعى وتكەن جىلدىڭ قورىتىندىلارىنا مونيتورينگتىك زەرتتەۋلەر جۇرگىزىپ, ءار وبلىستاعى ءىستىڭ جاي-كۇيىنە رەيتينگتىك باعالار بەردى. مۇندا ورال ءوڭىرى ەڭ سوڭعى 16-شى ورىننان ءبىر-اق شىعىپتى. «ەگەمەن قازاقستان» گازەتىنىڭ باتىس قازاقستان وبلى­سىنداعى مەنشىكتى ءتىلشىسى تەمىر قۇسايىن باتىس قازاقستان وبلىستىق دەنساۋلىق ساقتاۋ باسقارماسىنىڭ باسشىسى حاميدوللا يرمەنوۆكە: – ءسىز بۇعان نە دەيسىز؟ – بىردەن ايتارىم, جوعارىداعى رەيتينگتىك باعا شىندىققا ءساي­كەس كەلمەيدى. بۇل جونىندە ءبىز اتال­عان ورتالىققا ارنايى حات جولدا­دىق. قازىر ونىڭ جاۋابىن كۇتىپ وتىرمىز. ناقتى دالەلمەن جانە دايەكپەن ايتىلماسا قانداي جاقسى ىسكە دە كولەڭكە تۇسپەي قويمايدى. ارينە اقتالعانىمىز ەمەس, ناقتى دەرەكتەرگە سۇيەنسەك, وبلىستاعى دەنساۋلىق ساقتاۋ ءىسىنىڭ وتكەن 2014 جىلعى باستى ناتيجەلەرى تومەندەگىدەي. وڭىردە دەنساۋلىق ساقتاۋ ءمينيسترى العا قويعان بارلىق ءمىن­دەتتەر مەن ءىس-شارالار كەشە­نى ويداعىداي ورىندالدى. وسى ارالىقتا 69,5 دەپ كۇتىلگەن تۇر­عىنداردىڭ ورتاشا عۇمىر جاسى 70,2-ءنى كورسەتىپ تۇر. سون­داي-اق, ءار 1000 ادامعا شاققانداعى جالپى ءولىم-ءجىتىم دەڭگەيى مەن سابيلەردىڭ شەتىنەۋىنىڭ تومەندەۋ مولشەرى كۇتىلگەن كورسەتكىشتەن اسىپ ءتۇستى. سونىمەن بىرگە, ءاربىر 100 مىڭ تۇرعىنعا ەسەپتەگەندەگى ونكولوگيالىق اۋرۋلاردان بولاتىن ءولىم دە الدىن الا بولجاعان دەڭگەيدەن الدەقايدا از بولدى. وسىنداي ءتۇيىندى تۋبەركۋلەزدەن بولاتىن قايتىس بولۋ كورىنىستەرىنە دە قاتىستى ايتا الامىز. ۇلتتىق ەكونوميكا مينيسترلىگى ستاتيستيكا جونىندەگى كوميتەتىنىڭ دەرەكتەرىنە سۇيەنسەك, بيلىعى 2015 جىلدىڭ 1 قاڭتارىندا الدىڭعى 2013 جىلمەن سالىستىرعاندا باتىس قازاقستان وبلىسىندا تۇرعىنداردىڭ ءومىر­دەن ءوتۋ كورسەتكىشتەرى اجەپتاۋىر تومەن­دەگەن. جانە 1000 ادامعا شاق­قاندا وسى ارالىقتا سابيلەر­دىڭ ومىرگە كەلۋ كوەففيتسيەنتى ءبىر­شاما كوتەرىلگەن. ەڭ سوڭعى ورىن ەمەس, كەرىسىن­شە وبلىستاعى كورسەتكىشتەر جو­عارىدا ايتىلعانداي كوپتەگەن ينديكاتورلار بويىنشا الدىڭعى ورىنعا لايىقتى ەكەنىن كورسەتەدى. بۇعان قوسارىم, ورالدىق وتولارينگولوگتەر مەن كارديوحيرۋرگتەر جانە تراۆماتولوگتەر بۇدان باسقا دا كوپتەگەن ماماندار رەسپۋبليكا بويىنشا ەڭ ۇزدىك دەپ تانىلىپ وتىر. بۇل وي-پىكىرىمىزگە ورال وڭىرىنە ولاردى ارنايى ىزدەپ وزگە وبلىستاردان جانە تاياۋ شەتەلدەردەن جانىنا شيپا ىزدەگەندەردىڭ تولاسسىز كەلىپ جاتقانى ايقىن ايعاق. ءبىز مەديتسينالىق قىزمەت كورسەتۋدىڭ ەڭ جوعارعى دەڭگەيىنە قول جەتكىزۋ ءۇشىن كۇن سايىن جان-جاقتى جۇمىستار جۇرگىزىپ كەلەمىز. سونىڭ لايىقتى تۇردە باعالانعانىن قالايمىز. باتىس قازاقستان وبلىسى.