جاز بويى بەس ماۋسىمدا بالالاردى قابىلدايتىن جەتى قالا سىرتىنداعى دەمالىس ورىندارىنىڭ ەكەۋى مەملەكەتتىك, بەسەۋى جەكەمەنشىك. مۇنداعى ون كۇندىك ءبىر جولدامانىڭ ورتاشا باعاسى 80- 100 مىڭ تەڭگە ارالىعىندا.
بۇدان وزگە 699 مەكتەپ جانىنداعى لاگەر جانە قوسىمشا ءبىلىم بەرۋ مەكەمەلەرىنەن 49 جازعى الاڭ اشىلىپ, وقۋشىلار بۇل جەرلەردە سەگىز ساعات نەمەسە جارتى كۇن ۋاقىتتارىن وتكىزەدى. ولارعا تاربيەشىلەر مەن ۇستازدار قىزعىلىقتى ويىندار مەن سپورت سايىستارىن وتكىزىپ, مۋزەيلەر مەن باسقا دا دا مادەني ورىنداردى ارالاتادى.
وڭىردە بالالاردى جىل بويى ساۋىقتىراتىن «كۇنشۋاق» جانە «اسەم» لاگەرلەرى جۇمىس ىستەيدى. اسىرەسە, «كۇنشۋاقتا» تىرەك-قوزعالىسى بۇزىلعان بالالاردىڭ دەمالىسىنا قولايلى جاعداي جاسالعان. بۇل جەرگە بالالار كوبىنەسە دارىگەرلەردىڭ جولداماسىمەن قابىلدانادى.
ءبىر جىلدا «كۇنشۋاق» پەن «اسەم» لاگەرىندە 2532 بالا دەمالعان. وبلىستىق ءبىلىم باسقارماسىنىڭ باسشىسى بۇلبۇل كۇزەمباەۆانىڭ حابارلاۋىنشا, وسى جازدا 3960 كامەلەت جاسىنا جەتپەگەن وقۋشىعا دەمەۋشىلەر كومەگىمەن لاگەر جولدامالارى تابىستالعان. سونىڭ ىشىندە 233 كامەلەتكە تولماعان جاس رەسپۋبليكالىق «بالداۋرەن» جانە «بوبەك» ورتالىقتارىنا بارادى.
اقتوبە وبلىسى.
