مەكتەپتىڭ شاعىن مەرەيتويىنا وراي از ۋاقىت ىشىندە قول جەتكىزىلگەن جەتىستىكتەر سارالانىپ, ءبىلىم ۇياسىنىڭ ديرەكتورى جانار ەرمۇحامبەتوۆا ءار اپتا – ءبىر جاڭا جەڭىس بولعاندىعىن, ءىس-شارانىڭ سول تابىستاردىڭ ايعاعى ەكەنىن اتاپ ءوتتى.
وسى ۋاقىت ارالىعىندا مەكتەپ وقۋشىلارى وركەستر قۇرىپ, سالتاناتتى شارادا «كەلىنشەك» كۇيىن تارتۋ ەتتى.
جاڭا اشىلعان مەكتەپ كوكتەپ, كوگەرە بەرسىن دەگەن نيەتپەن اۋلاسىندا 109 ءتۇپ كوشەت وتىرعىزىلدى.
سونداي-اق, مەكتەپ پسيحولوگى ر. مۇحامەدينا مەن ەڭبەك ءپانى مۇعالىمى ن.بايتۇگەلوۆانىڭ باستاماسىمەن 5-8 سىنىپ ارالىعىنداعى قىزداردى جان-جاقتى دامۋعا باعىتتالعان «كوركەمARU» كلۋبى اشىلدى. بۇل كلۋب وقۋشىلاردى قولونەرگە, تاماق ازىرلەۋگە, جەكە باس گيگيەناسى ماسەلەلەرىن ۇيرەنۋگە, ءسان الەمىن يگەرۋگە عانا باۋلىپ قويماي, قىز بالالاردى مازالاپ جۇرگەن سۇراقتاردى تالقىلاۋعا, وزگەگە ايتپايتىن سىرىن ءبىر-بىرىمەن ءبولىسىپ, جاقسى كوڭىل-كۇي سىيلاۋعا باعىتتالعان. «كوركەمARU» كابينەتىن قر ەڭبەك سىڭىرگەن قايراتكەرى, «ەرەن ەڭبەگى ءۇشىن» توسبەلگىسىنىڭ يەگەرى, «تەگىڭدى بىلگەن – تەكتىلىك» قوعامدىق بىرلەستىگىنىڭ ءتورايىمى ساۋلە وتەلبايقىزى جەلدىباەۆا اشىپ بەردى.
مەكتەپ فويەسىندە «مەكتەپ تىنىسى» كورمەسى ۇيىمداستىرىلىپ, كەلۋشىلەر وقۋشىلار قۇراستىرعان روبوتتاردى, ۇلدار مەن قىزدارعا ارنالعان تەحنولوگيا كابينەتتەرىندەگى وقۋشىلاردىڭ جۇمىستارىن تاماشالادى. ودان سوڭ قوناقتار توعىزقۇمالاق, بەس اسىق, ۆولەيبول, فۋتبول, كاراتە, ۇستەل تەننيسى سەكىلدى سپورتتىق ويىنداردىڭ بارىسىن كورىپ, وزدەرى دە سپورتتىق سايىستا باق سىنادى.
مەرەكەنىڭ سوڭى مەكتەپ ۇستازدارى مەن وقۋشىلارى دايىنداعان كونتسەرتتىك باعدارلاماعا ۇلاستى.
